Xikombelo xa mpecheni ya vudyuhari

Hi
Leswi u faneleke ku swi endla
Leswi u faneleke ku swi endla
Xana swi durha mali muni
Tifomo leti tatiwaka
Vuxokoxoko bya vutihlanganisi

 

 

Hi mudende wa vadyuhari

U nga kuma mpfuneto wo ku pfuna eka vudyuhari bya wena. Mudende wa vadyuhari wu hakeriwa eka vaxisati lava nga na 60 wa malembe kumbe ku tlula na vaxinuna lava nga na 60 wa malembe kumbe ku tlula. Mpfuneto lowu khale a wu vuriwa phenxeni ya vadyuhari.

Xana u ringanela njhani?

U fanele:

  • ku va muakatiko wa Afrika Dzonga kumbe mutshami wa nkarhi hinkwawo
  • u tshama eAfrika Dzonga
  • u nga amukeri mpfuneto wa mali wun'wana wa wena
  • u nga hlayisiwi eka vandla ra mfumo
  • u nga holi ku tlula R86 280  hi lembe kumbe u ri na nhundzu yo tlula R 172 560  loko u nga tekangi/teka. Loko u catile, muholo wa n’wina wo hlanganela wu fanele wu nga tluli R1 227 600  hi lembe na wena na murhandzani wa wena a mi fanelangi ku va na nhundzu yo tlula R2 455 200.

Xana u ta kuma mali muni?

Ntsengo wa mali leyi u nga ta yi kuma i R 2 080 hi nhweti. Loko u ri eka malembe ya le henhla ka 75 hi vukulu, u ta kuma R2 100.

Xana u ta hakeriwa njhani?

South African Social Security Agency (SASSA) yi ta ku hakela mali ya mpfuneto hi ku tirhisa yin’we ya tindlela leti landzelaka:

  • mali ya khexe eka ndhawu yo hakela yo karhi hi siku ro karhi
  • dipoziti ya elekitironiki eka bangi ya wena kumbe akhawunti ya poso (bangi yi nga koxa ntsengo eka vukorhokeri)
  • mavandla (xik. kaya ra vudyuhari).

Mali yo engetela yi ta hakeriwa xikan’we na mali ya wena ya mpfuneto.

Lemuka: Loko u hluleka ku landza mali hi wexe, u nga thola mufambisi wa swa nawu ehofisini ya SASSA, kumbe u nyika un’wana matimba yo ahlula ku landza mali ya mpfuneto hi ku yimela wena.

Xana mpfuneto wa wena wu nga pfuxetiwa rini?

SASSA yi nga teka xiboho xa loko mpfuneto wa wena wu nga pfuxetiwaka. Muholo wa wena lowu boxiweke loko u endla xikombelo xa mpfuneto wu ta vumba masungulo ya xiboho lexi. U ta tivisiwa tin’hweti tinharhu nkarhi wu nga si fika wa siku leri ku pfuxetiwa swi nga ta humelela hi rona kumbe siku leri xitifikheti xa wena xi helelaka hi nkarhi. Loko u amukela mali hi le bangini, vandla kumbe muyimeri wa swa nawu, u boheka ku tata xitifikheti xa ku hanya etihofisini ta SASSA lembe na lembe.  

Xana mpfuneto wu nga yimisiwaka rini?

Leswi landzelaka swi nga endla leswaku mpfuneto wu yimisiwa:

  • loko swiyimo swi cinca
  • mbuyelo wo pfuxeta hi vuntshwa
  • loko u hluleka ku va na ntirhisano loko mpfuneto wa wena wu pfuxetiwa hi vuntshwa
  • loko u endla vukanganyisi kumbe u tiyimela hi xihoxo
  • loko ku ri na xihoxo loko mpfuneto wa wena wa timali wu pasisiwa.

Xana mpfuneto wa wena wu nga hela rini?

Mali ya mpfuneto yi ta hela hi nkarhi loko u:

  • hundza emisaveni
  • amukeriwa eka vandla ra mfumo
  • nga amukeli mali eka tin’hweti tinharhu to landzelelana
  • nga ri kona etikweni.

Loko muvuyeriwa a amukeriwa eka ndhawu leyi nga na kontiraka na mfumo ku hlayisa muvuyeriwa yoloye, mudende wa hungutiwa kuya eka 25% (R285) ya ntsengo hinkwawo wa mudende ku sukela eka n’hweti ya vumune (4th) endzhaku ko amukeriwa ka muvuyeriwa eka ndhawu yeleyo. Mudende lowu hungutiweke wu vuyiseriwa hi xihatla ku sukela hi siku leri muvuyeriwa a tshunxiwaka eka ndhawu yeleyo.

Mudende wa vadyuhari

Leswi u faneleke ku swi endla

  • Yana eka hofisi ya le kusuhi na laha u tshamaka kona South African Social Security Agency (SASSA) kutani u tisa leswi landzelaka:
    • Pasi ya wena ya 13 wa tidijiti. Loko u ri hava Pasi:
      • u fanele ku tata afidavhiti eka endlelo ra ntolovelo ra SASSA emahlweni ka Khomixini wo Hlambanyisa loyi a nga riki muofisiri wa SASSA
      • u fanele ku tisa xitatimente lexi hlambanyisiweke lexi sayiniweke hi munhu wo tiveka (ku fana na mukhanselara, murhangeri wa xintu, mutirhi wa vaaki (social worker), mufundhisi wa vukhongeri kumbe nhloko ya xikolo) loyi a nga tiyisisaka vito na vukhale bya wena
      • muofisiri wa SASSA u ta teka minkandziyiso ya tintiho ta wena. U ta hundziseriwa eka Ndzawulo ya Timhaka ta Xikaya ku endla xikombelo xa ID loko xikombelo xa wena xi humelerisiwa. Loko u nga kumi Pasi ya wena, mali ya mpfuneto wa wena yi ta herisiwa.
    • vumbhoni bya xiyimo xa vukati (loko byi ri kona)
    • vumbhoni bya vutshamo
    • vumbhoni bya muholo, minkavelo (loko swi ri kona)
    • vumbhoni bya nhundzu, ku katsa nkoka wa mhasipala wa nhundzu ya wena
    • vumbhoni bya mudende wa lowu nga riki wa mfumo (loko wu ri kona)
    • switatimente swa bangi swa tin’hweti tinharhu
    • pasi ya 13 wa tidijiti ta Bakhodi
    • Mpfumelelo wa xiyimo xa vuhlapfa na Pasi ya vuhlapfa ya 13 wa tidijiti ya Nkwama wa Ndzindzakhombo wa lava nga Tirheki (UIF) ('buku ya wasi’) kumbe xitifikheti xo hlongoriwa entirhweni loko u tshama u tirha
    • loko murhandzani wa wena a lovile eka ntlhanu wa malembe laya hundzeke, khopi ya wili na tiakhawunti to sungula na to hetelela ta ku xavisiwa ka nandzu ku riha swikweleti laha swi faneleke.

Lemuka: Loko u dyuharile swinene kumbe u vabya kuva u ya ehofisini ku endla xikombelo, xirho xa ndyangu kumbe munghana a nga endla xikombelo hi ku yimela wena. Munhu u fanele ku famba na papila ro huma eka wena na/kumbe papila ra dokodela ro nyika xivangelo xo hluleka kuya ehofisini.

  • Tata fomo ya xikombelo emahlweni ka muofisiri wa SASSA (lemuka leswaku hi wena ntsena tanihi muendli wa xikombelo kumbe muofisiri wa SASSA a nga tataka fomo ya xikombelo). Muofisiri u ta ku vutisa swivutiso no ku byela loko u ringanela mali ya mpfuneto.
  • U ta nyikiwa rhasiti. Yi hlayisi tanihi vumbhoni bya leswaku u endlile xikombelo.

Ku humelela yini loko xikombelo xa wena xi nga pasisiwi?

Loko xikombelo xa wena xi nga pasisiwi, SASSA yi ta ku tivisa hi ku ku tsalela leswaku hikwalaho ka yini xikombelo xa wena xi nga humelelangi.

Loko u nga pfumelelani na xiboho, u nga endla xivilelo eka Holobye wa Nhluvukiso wa Vaaki. U fanele ku endla xivilelo ku nga si hela 90 wa masiku u tivisiwile leswaku xikombelo xa wena a xi humelelangi.

Leswi u faneleke ku swi endla

  • Swi nga teka tin’hweti tinharhu ku humelerisa xikombelo xa wena.
  • Loko mpfuneto wa wena wa mali wu pasisiwile, u ta hakeriwa ku sukela hi siku leri u endleke xikombelo.

Xana swi durha mali muni

Vukorhokeri lebyi i mahala.

Tifomo leti tatiwaka

Tifomo leti ta kumeka eka hofisi ya le kusuhi ya vuhlayiseki bya vaaki (SASSA).

Vuxokoxoko bya vutihlanganisi

 

SASSA Toll free: 0800 60 10 11
Email:  GrantEnquiries@sassa.gov.za  

Share this page