Xikombelo xa papila ra vulawuri mayelana na movha

Hi ku endla xikombelo xa papila ra vulawuri mayelana na movha

Loko u tiyimiserile ku xava entsungeni movha wuntshwa kumbe lowu tirheke, movha wa nhundzu kumbe xigolonyana, lowu akiweke kumbe wo antswisiwa, u fanele u sungula u kuma papila ra vulawuri.

U fanele kuva n apapila ra vulawuri ku nga langutisiwi kuri movha wu akiwile eAfrika Dzonga kumbe etikweni rimbe. Tinxaka ta mimovha leti u lava papila ra vulawuri i:

• mimovha, tibazi na swithuthuthu
• mimovha ya nhundzu (tilori na swibebe)
• swigolonyana
• mimovha ya hlawuleka ku fana na tlori to tlakula nhundzu yo tika, titeretere, na vatshoveri.

Mimovha hinkwayo, leyi endliweke eAfrika Dzonga kumbe ku xaviwa entsungeni, yi fanele ku landzelela swilaveko leswi vekiweke eka Nawu wa Ntleketlo wa le Magondzweni ya Tiko, 1996 (National Road Traffic Act, 1996 ). Vaxavi va le ntsungeni va fanele ku yisa vumbhoni byo tiyisisa Swiyimo swa Byuro ya Afrika Dzonga (South African Bureau of Standards).

Munhu un’we loyi movha wu nga tsarisiwa hi vito ra yena a nga tata fomo ya xikombelo.

Leswi u faneleke ku swi endla

1. Kuma fomo ya xikombelo ya LoA1 ku suka eka National Regulator for Compulsory Specifications (NRCS) kumbe u yi kuma eka: South African Bureau of Standards Application for letter of authority – LoA1.)
2. Tata tifomo no namarheta matsalwa laya landzelaka:
   • pasi (ID) ya muendli wa xikombelo kumbe ID ya vuyimeri loko muendli wa xikombelo ku ri khamphani
   • afidavhiti yo akiwa ka movha ku suka eka Mintirho ya Maphorisa ya Afrika Dzonga. Leswi swi fanele ku katsa tinomboro ta njhini na chezi. Vuxokoxoko lebyi heleleke bya ntirho lowu endliweke na leswikulu leswi endliweke (ngopfu-ngopfu swiyenge swa vuhlayiseki)
   • xitifikheti xa pasisiwa hi Maphorisa
   • xitifikheti xo lulamela emagondzweni
   • xitifikheti xa ntiko wa le bulohweni
   • swinepe swimbirhi swa movha.
3. Hakela ntsengo lowu bohiweke.

Leswi u faneleke ku swi endla

Papila ra wena ra vulawuri ri fanele kuva ri lulamile eka mune kuya eka tsevu wa masiku.

Xana swi durha mali muni

Tihlanganisi na hofisi ya tilayisense eka ndhawu ya wena ku vutisa hi nxavo.

Tifomo leti tatiwaka

• Application for letter of authority – LoA1 - to import and register/licence on motor vehicle
• Application Form - LOA2 - to import new motor vehicles into South Africa on a continuous basis
• Application Form - LOA3 - to import motor vehicles into South Africa for a specific purpose
• Application Form - LOAX - letter of authority or exemption to import motor vehicles into South Africa for a specific purpose
• Application Form - ALA - to register/license one motor vehicle which has been newly constructed or modified as per Road Traffic Act

Vuxokoxoko bya vutihlanganisi