Ku endlela leswaku bindzu ra wena ra nhlanganelo ri va nchumu lowu nga enawini, u fanele ku ri tsarisa eka Khomixini ya Tikhamphani na Timfanelo eka Nhundzu (CIPC). Ku tsarisa na Mutsarisi wa mabindzu ya Nhlanganelo eka CIPC, ntlawa wa wena wu fanele ku va na ntlhanu wa swirho kumbe ku tlula.
Bindzu ra nhlanganelo ri hambanile na bindzu leri nyikaka vukorhokeri na/kumbe swimakiwa eka swirho swa rona. Mibindzuriso, leyi tivekaka tani hi engetelelo eka bindzu ra nhlanganelo, ya aviwa eka swirho ku ya hi ntsengo lowu xirho xin’wana na xin’wana xi nga wu endla eka nhlanganelo. Xirho xin’wana na xin’wana xi ta kuma xiphemu xa bindzuriso kumbe engetelelo, ku ya hi ntsengo wa bindzu lowu xirho xi nga wu endla eka nhlanganelo.
Kuma swo tala hi mayelana na mabindzu ya nhlanganelo na matsariselo ya kona ku suka eka Khomixini ya Tikhamphani na Timfanelo eka Nhundzu kumbe u ti hlanganisa na CIPC eka 086 100 2472.
