Afrika-Dzonga ri tsakela vapfhumba lava va nga eka xiyimo xo hoxa xandla swinene eku ndlandlamuxeni ka xiyimo xa ikhonomi ya Afrika-Dzonga.
Loko u nga si endla xikombelo xa mpfumelelo wa vutshamo bya nkarhi hinkwawo, u fanele u sungula hi ku seketela ku ri hikokwalaho ka yini u fanele ku hlambanyiwa ku va munhu loyi a nga fanelangiki ku aleriwa kumbe ku va munhu loyi a nga lavekeki.
Wena na murhandziwa wa wena mi ringanela ku ku kuma mpfumelelo wa vutshamo bya xiviri bya nkarhi hinkwawo loko u tshama eAfrika-Dzonga hi mayelana na mpfumelelo wa ntirho wa wena wa malembe ya le xikarhi ka ntlhanu wa malembe. Vahlayisiwa va vaakitiko va Afrika-Dzonga kumbe mpfumelelo wa lava va nga na vutshamo bya nkarhi hinkwawo na vona va nga ha endla swikombelo.
Mpfumelelo wa ximfumo wo lava ku tshama etikweni ra vambe hi ndlela yin’wana ya pfumeleriwa eka vahlapfa lava va:
- nga na ntirho wa nkarhi hinkwawo lowu va wu endlaka eAfrika-Dzonga
- nga na swikili na mithwaso yo hlawuleka ku tlula mpimo
- kunguhataka ku lava ku tumbuluxa mabindzu eAfrika-Dzonga
- ringanelaka tanihi vahlapfa hi ku ya hi Xiyenge xa 27(c) xa Nawu wa Vahlapfa
- ringanelaka tanihi vanhu lava va nga chipisiwa entirhweni
- kotaka ku tiyimela eka swa timali, kumbe
- nga na maxaka (ya ngati kumbe swa nawu) lava va nga vaakitiko va Afrika-Dzonga kumbe loyi a nga na mpfumelelo wo tshama swa nkarhi hinkwawo.
Kuma vuxokoxoko byo tala mayelana na maendlelo ya ku endla xikombelo xa vutshamo bya nkarhi hinkwawo, kumbe u tihlanganisa na Ndzawulo ya Timhaka ta Xikaya.
