Rhumela laha tikweni mirhi ya ntlhavelo

Hi ku endla xikombelo xa mpfumelelo wo rhumela laha tikweni mirhi ya ntlhavelo ya swiharhi

U nga rhumela laha tikweni, hangalasa kumbe u xavisa ntsena ku tirhisiwa eka swiharhi eAfrika Dzonga loko swi rhijisitariwile hi ku landza Nawu wa Swinonisi, Swakudya swa le Mapurasini, Mirhi ya Vurimi na Xitoko xa Mirhi (Fertilizers, Farms Feeds, Agricultural Remedies and Stock Remedies Act), 1947 (Nawu wa 36 wa 1947).

Loko u lava ku rhumela laha tikweni murhi wa ntlhavelo lowu rhijisitariweke ku tirhisiwa eka swiharhi, u fanele u tlhela u kuma mpfumelelo wo rhumela laha tikweni wa vutshunguri bya swiharhi ku suka eka Hofisi ya Rihanyo ra Swiharhi. Mpfumelelo lowu wo rhumela laha tikweni wu tirha ku ringana nkarhi lowu pimiweke naswona eka ndzhwalo wun’we ntsena. Kuna milawu leyi landzeleriwaka yo rhumela laha tikweni ya vutshunguri bya swiharhi leyi tirhaka. Tanihi leswi swilaveko swa rihanyo swi cincaka nkarhi na nkarhi, tihlanganisi na Hofisi ya Rihanyo ra Swiharhi (Riq 012 319 7507/7684/7700/7673/7456, Fekisi 012 329 6892, VetPermits@daff.gov.za) ku kuma swilaveko swa sweswi.

Loko u lava ku rhumela laha tikweni murhi wa nthavelo lowu nga rhijisitariweke ku ringetiwa eAfrika Dzonga, u lava mimpfumelelo yimbirhi. Mpfumelelo wun’we wu suka eka Murhijisitara wa Nawu wa 36 wa 1947 kasi leyin’wana yi suka eka Hofisi ya Rihanyo ra Swiharhi. Xikombelo xa mpfumelelo from Murhijisitara wa Nawu 36 wa 1947 wu fanele ku famba na nawu wo landzelela wo ringeta lowu ringanyetiweke wo helela .

Hofisi ya Rihanyo ra Swiharhi yi humesa mpfumelelo wo rhumela laha tikweni kan’we ntsena loko va kumile khopi ya mpfumelelo leyi nyikiweke hi Murhijisitara wa Nawu 36 wa 1947. Murhi wa ntlhavelo wo ringetela a wu nge xavisiwi. Eka xiyimo xa xihatla laha ntungu wa mavabya wu humelelaka naswona ku ri hava murhi wa ntlhavelo lowu nga kona etikweni, swi nga va swa nkoka ku tirhisa murhi wa ntlhavelo lowu nga rhijisitariweke.

Kutani wena, tanihi murhumeri wa laha kaya, u fanele ku endla xikombelo eka Huvo yo Lawula Mirhi (Medicines Control Council) ya Xiyenge xa 21 kuva yi nga katsiwi hi ku landza Nawu wo Lawula Swidzidziharisi leswi Fanaka na Mirhi (Medicines and Related Substances Control Act) (Nawu wa 101 wa 1965, tanihi leswi cinciweke hi Nawu wa 90 wa 1997).  U tlhela u lava, ku suka eka Hofisi ya Rihanyo ra Swiharhi, mpfumelelo wo rhumela laha tikweni kuva murhi wa ntlhavelo wu nghena etikweni. Va nyika mpfumelelo lowu wo rhumela laha tikweni kan’we ntsena loko mpfumelelo wu kumekile ku suka eka Huvo yo Lawula Mirhi no yisa vumbhoni eka vona. Eka mhaka leyi, murhi wa ntlhavelo lowu nga rhijisitariwangiki wu nga xavisiwa eka nkarhi lowu pimiweke ku fikela loko wu rhijisitariwile.

Leswi u faneleke ku swi endla

1. U fanele ku sungula u kuma ntsariso kumbe mpfumelelo ku suka eka Murhijisitara wa Nawu 36 wa 1947, kumbe kuva u nga katsiwi hi ku landza Xiyenge xa 21 xa Nawu wa 101 wa 1965, ku rhumela laha tikweni murhi wa ntlhavelo wa swiharhi.
2. Loko u amukela mpfumelelo wo rhumela laha tikweni ku suka eka Murhijisitara wa Nawu 36 wa 1947, kumbe kuva u nga katsiwi hi ku landza Xiyenge xa 21 xa Nawu wa 101 wa 1965, rhumela khopi ya xona na xikombelo xa wena xa mpfumelelo wo rhumela laha tikweni wa vutshunguri bya swiharhi eka Hofisi ya Rihanyo ra Swiharhi.
3. Loko murhi wa ntlhavelo wu ve wu rhijisitariwile ku tirhisiwa eAfrika Dzonga hi ku landza Nawu wa 36 wa 1947, u lava ntsena mpfumelelo wun’we wo rhumela laha tikweni, ku suka eHofisini Hofisini ya Rihanyo ra Swiharhi. Rhumela khopi yo rhijisitara hi ku landza Nawu wa 36 wa 1947 na xikombelo xa wena.
4. Tata fomo ya xikombelo Xikombelo xa mpfumelelo wo rhumela mirhi ya ntlhavelo eRiphabliki ra Afrika Dzonga. Tihlanganisi na Hofisi ya Rihanyo ra Swiharhi loko u nga ri na xitiytisiso xa fomo leyi u faneleke ku yi tata.
5. Dokodela wa Swiharhi eHofisini ya Rihanyo ra Swiharhi u ta tihlanganisa na wena loko marungula yan’wana ya ha laveka naswona u ta endla hlelelo ra khombo ku langutisisa xikombelo xa wena.
6. Dipozita ntsengo wa mpfumelelo ea akhawunti ya bangi ya Ndzawulo:
   Vito ra bangi: Standard Bank of South Africa
   Vito ra mukhomi wa bangi: National Department of Agriculture
   Nomboro ya akhawunti: 011219556 International Band
   Rhavi: 010845
   IB brand 0001982 Centre Code
   Swift Code: SBZA-ZAJJ
   Vito ra rhavi: Arcadia
   Xitiviso xa nkoka: Rheferense yi fanele kuva vito ra murhemeri wa laha tikweni na xivongo. Laha u endlaka xikombelo hi ku yimela un’wana, vona leswaku u hakela hi vito ra munhu yoloye kumbe ra khamphani.
7. U nga tlhela u hakela cheke yi kongoma eka Director-General: Department of Agriculture, Forestry and Fisheries.
8. Tihakelo ti nga tlhela ti hakeriwa eka tihofisi ta Ndzawulo ya Vurimi, Swihlahla na Vuphasi bya tihlampfi. 
9. U na vutihlamuleri bya tihakelo ta bangi xikan’we na tihakelo ta Bangi ya Matiko ya le handle; Ndzawulo a yi nge ku nyiki mpfumelelo loko ntsengo hinkwawo wu nga hakeriwangi.
10. Rhumela fomo leyi tatiweke na vumbhoni bya tihakelo eka:
    The Director: Animal Health
    Import Export Policy Unit
    Private Bag X138
    Pretoria
    0001
    South Africa
    kumbe Fekisi eka 012 329 8292 / VetPermits@daff.gov.za
11. Hlamusela eka fomo ya xikombelo loko mpfumelelo wu ta landziwa kumbe u ta rhumeriwa wona hi imeyili.
12. Endzhaku ko amukela fomo ya xikombelo leyi tatiweke na vumbhoni bya tihakelo, mpfumelelo wo rhumela laha tikweni wa vutshunguri bya swiharhi wu ta nyikiwa no rhumeriwa thwii eka wena.

Lemuka: Ku hava xikombelo lexi nga humelerisiwaka ku ri hava vumbhoni bya tihakelo. Vumbhoni byi fanele ku fekiseriwa eka: 012 329 8292 / E-mail: VetPermits@daff.gov.za.

Leswi u faneleke ku swi endla

Loko dokodela wa swiharhi wa mfumo eka Hofisi ya Rixaka a pasisile ku rhumela, swi ta teka masiku manharhu kuya eka ntlhanu ya ntirho ku humelerisa xikombelo no nyika mpfumelelo wo rhumela laha tikweni wa vutshunguri bya swiharhi.

Xana swi durha mali muni

Timali ta hakelo ta 2023/24

Tifomo leti tatiwaka

Application for a permit to import vaccines into the Republic of South Africa

Vuxokoxoko bya vutihlanganisi