Layisense ya vutirheli bya vuhaxi bya tiradiyo ta vaaka-miti

Nhlamuselo

Magoza lama faneleke ku landzeleriwa  

Matirhelo na nkarhi wa ku endliwa ka ntirho

Mali leyi hakeriwaku

Tifomu leti tifaneleke ku tatiwa

Vuxokoxoko bya ku tihlanganisa  

Nhlamuselo

Layisense ya Vuhaxi bya ndzhawu ya vaaka-miti (Community Broadcasting Licence) yi pfuneta ku langutana na swilaveko swa vuhaxi bya ndzhawu ya vaaka-miti ku fikela nkarhi wa malembe ya mune. Ya pfuxeteleka, kambe ehansi ka xiyimo xa leswaku u endla xikombelo xa mpfuxeto wa layisense ku nga si fika tin’hweti ta ntsevu na swona ku nga si hundza tin’hweti tinharhu endzhaku ka ku hela ka nkarhi wa layisense ya sweswi. Yi pfuxeteleka ntsena ehansi ka xiyimo xa leswaku layisense yi tirhisiwa hi ku landza swiyimo leswi nga vekiwa hi nhlangano wa vafambisi va swa tilayisense. Layisense yi nyiketiwa vaaka-miti (communities) lava va tikondletelaku ku sungula khampani ya Section 21, Trust, kumbe asosiyexini yo tisungulela kumbe nhlangano wun’wana lowu sunguriwaku hi ku landza nawu lowu nga tirheleku ntswalo (profiti). Swikongomelo swa Layisense ya Vuhaxi bya ndzhawu ya vaaka-miti (Community Broadcasting Licence) swa malembe ya mune i ku fikelela leswi landzaku:

• ku promota mfanelo ya ku tihlanganisa (communicate) na ntshunxeko wo humesa mianakanyo (freedom of expression)
• ku endlela ku amukela vukona bya swiyenge swo hambana-hambana (diversity) eka indastri
• ku endlela leswaku vaaka-miti va va na xiavo tani hi vasunguri na vaendli va minongonoko (producers), vamininjere (vafambisi), na vayingiseri eka vufambisi bya swa vuhlanganisi (communication)
• ku va rito ra ndzhawu ya vaaka-miti
• ku endla minongonoko (programming) leyi yi kombisaku leswi tsakeriwaku na swilaveko swa swipeceli swa ndzhawu ya vaaka-miti, leswi swi katsaku swa mindhavuko, tindzimi, na swa vugandzeri (religions) na swilaveko swa tinxaka-nxaka ta vanhu va ndzhawu.

Layisense ya Vuhaxi bya ndzhawu ya vaaka-miti (Community Broadcasting Licence) ya malembe ya mune yi nga nyiketiwa eka swiyenge leswi landzaku:

• Vutirheli bya vuhaxi bya tiradiyo
• Vutirheli bya vuhaxi bya thelevhixini.

Layisense yi tirha malembe ya mune.

Va Ndzawulo ya ta Vuhlanganisi va seketela vinyi va tilayisense ta malembe ya mune lava va nga na ikhwipimente kumbe michini ya vuhaxi na vuendli bya minongonoko (broadcast and production equipment), kambe loko ku ri leswaku va hlanganyetana na swilaveko swa Ndzawulo.

Magoza lama faneleke ku landzeleriwa

Va ICASA va ta humesa xirhambo xa ku endliwa ka swikombelo eka vutirheli bya vuhaxi bya tiradiyo ta tindzhawu ta vaaka-miti no avela tifrikhwensi leti nga kona eka tindzhawu to hambana-hambana. Tani hi muendli/vaendli va xikombelo xa layisense, mi fanele ku endla leswi landzaku:

• Ku sungula ntlawa wa ntirho (working group) ku langutana na ntirho wa fambiselo ra xikombelo hi vito ra vaaka-miti.
• Ku tiyisa leswaku ntlawa wa ntirho wu endla leswi landzaku:
• • ku hlengeleta tisignechara (misayino) eka vaaka-miti
  • ku tsala pulani ya bindzu
  • ku sungula fambiselo ra ku hlawuriwa ka swirho swa bodo
  • ku kambela ndzhawu ya laha ku faneleke ku va na xitici xa vuhaxi kona.
• Ku kombela fomo ya xikombelo xa vutirheli bya mfungho wa vuhangalasi bya vuhaxi (signal distribution).
• Tatani fomo ya xikombelo hi ku printa, mi tirhisa maletere lamakulu.
• Nghenisani fomo ya xikombelo yo sungula (original) na tikhopi ta 16 leti nga tiyisiwa hi va nawu eka va (ICASA) xikan’we na mali ya xikombelo.

Swikombelo leswi nga helelangiku swi ta tlheriseriwa eka muendli wa xikombelo na swona nhlangano a wu nga amukeli vutihlamuleri hi ku karhateka ka muendli wa xikombelo hi leswi.

Matirhelo na nkarhi wa ku endliwa ka ntirho

Swikombelo swi nga teka tin’hweti ta 3 ku ya eka ta 4.

Mali leyi hakeriwaku

2023/2024

Tifomu leti tifaneleke ku tatiwa

Tifomo ta xikombelo ti ta va xiyenge xa tixeduli ta Gazete ya Mfumo.

Vuxokoxoko bya ku tihlanganisa