Hi
Leswi u faneleke ku swi endla
Leswi u faneleke ku swi endla
Xana swi durha mali muni
Tifomo leti tatiwaka
Vuxokoxoko bya vutihlanganisi
Hi mayelana na ku endla xikombelo xa setifikheti ya phurogireme ya makuriselo ya vana lavatsongo (ECD)
Xana u fambisa ndhawu ya makuriselo ya vana lavatsongo (ECD) naswona u lava ku nyika dyondzo na nseketelo lowu nga ringanela eka antswisa malembe, xiyimo na swilaveko swa vana lava u va hlayisaka, ku katsa vana lava nga na swa vulamari, mavabyi lama nga godzombela na swilaveko swin’wana swo hlawuleka?
U nga ha endla xikombelo xa setifikheti ya phurogireme ya ECD eka Ndzawulo ya Nhluvukiso wa Vanhu kumbe hofisi ya Masipala ya le kusuhi.
Xikombelo xa wena xi nga ha nyikiwa nkarhi lowu wu nga hundzeki ntlhanu wa malembe.
- Ku va xikombelo xa wena xi tekeriwa enhlokweni, phurogireme ya ECD yi fanele ku landzelela na milawu na swipimelo leswi hlamuseriweke leswi landzelaka:
- Ku nyika mikarhi ya makuriselo lama nga fanela
- Ma kongomisa eka ku pfuna vana ku vona vuswikoti bya vona hi ku hetiseka
- Ku hlayisa vana hi ndlela ya kahle na ku nyika nseketelo na vusirheleli
- Tiyisisa makuriselo lamanene ya mahanyelo ya
- Vuyelela na ku kurisa ndhavuko, swa moya, xiyimo, vumunhu na ririmi ra n’wana un’wana na un’wana, na
- Ku hlangana na matitwelo, vutivi, ku twa, swa moya, makulelo ya miri, swilaveko swa vanhu na mbulavurisano wa vanhu eka n’wana un’wana na un’wana
- U fanele ku:
- va u tiyile na ku va kahle
- va na nthwaso wo fanela wa ECD, swikili, vuleteri na
- va na malembe manharhu ya le xikarhi yo tirha eka xiyenge xa makuriselo ya vana lavatsongo
Lemuka leswi: Ku ringanela ku kuma mali ya tiphurogireme ECD, u fanele ku landzelela milawu leyi hlamuseriweke eka milawu na swipimelo swa tiko. Ku nyika mali i xirhangana eka miganga laha mindyangu leyi yi nga riki na ndhawu yo tshama leyi nga riki kahle, swakudya na swin’wana swa nkoka leswi nga fanela eka vutomi bya vana va vona.
Leswi u faneleke ku swi endla
- Endla xikombelo xo rhijisitara kumbe ku rhijisitara hi xivangelo xo karhi xa phurogireme ya ECD eka Ndzawulo ya Nhluvukiso wa Vanhu kumbe hofisi ya Masipala ya le kusuhi laha u nga ta nyikiwa Fomo ya 16 ku yi tata.
- Xikombelo xa wena xi fanele ku va na leswi landzelaka:
- vito ra wena na nomboro ya pasi
- laha u tshamaka kona na adirese ya poso
- vuxokoxoko bya phurogireme ya ECD
- pulani ya matirhiselo ya phurogireme ya ECD
- xivumbeko xa vatirhi xa vanhu lava va nga ta va na vutihlamuleri byo nyika phurogireme ya ECD
- switatimente swa timali eka muako wa ECD
- papila ro pfumeleriwa leri nyikiweke hi Ndzawulo ya Vululami na Nhluvukiso wa Vumbiwa ku vona leswaku vito ra wena na swirho swa vatirhi a swi humeleli eka Xiphemu xa B xa Rhijisitara ra Rixaka ra Vusirheleli bya Vana kumbe Rhijisitara ra Rixaka eka Vatluli va Nawu wa swa Masangu
- minthwaso, swikili na ntokoto wa wena
- Loko xikombelo xa wena xi va xi pasisiwile, u ta nyikiwa setifikheti yo rhijisitara kumbe ku rhijisitara ko karhi kumbe rhijisitara hi vuntshwa.
- Mahlahluvelo yo yisa emahlweni ya rendzo hi vatirhi vo huma eka Ndzawulo ya Nhluvukiso wa Vanhu na masipala swi ta endliwa eka muako wa wena.
Leswi u faneleke ku swi endla
Swi nga ha teka tin’hweti tinharhu ku va Setifikheti ya wa wena yo Rhijisitara ku va yi humesiwa
Xana swi durha mali muni
Vukorhokeri i mahala.
Tifomo leti tatiwaka
Tifomo ta 16 ta kumeka eka Ndzawulo ya Nhluvukiso wa Vanhu kumbe hofisi ya Masipala ya le kusuhi
Vuxokoxoko bya vutihlanganisi
Nongonoko wa Vuhlanganisi bya xifundzankulu eka Ndzawulo ya Nhluvukiso wa Vangu
