Mudende wa nhlayiso wa vana

Hi
Leswi u faneleke ku swi endla
Leswi u faneleke ku swi endla
Xana swi durha mali muni
Tifomo leti tatiwaka
Vuxokoxoko bya vutihlanganisi

 

 

Hi mayelana na mudende wa nhlayiso wa vana

Loko u ri loyi a dingaka, u nga kuma mudende ku ku pfuna ku kurisa vana lava u va hlayisaka.

Xana ndzi swi tiva njhani leswaku ndza fikelela?

U fanele:

  • Ku va muhlayisinkulu wa n’wana loyi (xik. mutswari, kokwana kumbe n’wana loyi a nga ehenhla ka 16 kambe a fambisaka ndyangu). Tekela enhlokweni: loko u nga ri mutswari wa n’wana, u fanele ku nyika vumbhoni bya leswaku u muhlayisinkulu wa n’wana loyi hi ku tirhisa afidavhiti kusuka emaphoriseni, xiviko xa soxaliweka, afidavhiti kusuka eka mutswari wa ngati kumbe papila ro huma eka nhloko ya xikolo lexi n’wana loyi a nghenaka eka xona
  • Ku va u ri muakatiko wa Afrika-Dzonga kumbe mutshami wa nkarhi hinkwawo.
  • Ku va u nga holi kutlula R52 800 hi lembe loko u ri wexe. Loko u ri na vukati, malinghena ya n’wina leyi katsanisiweke a yi fanelangi ku va ehenhla ka R105 600 hi lembe.

N’wana loyi u fanele:

  • ku va a ri ehansi ka 18 malembe hi vukhale
  • ku va a nga hlayisiwi eka nhlangano wa mfumo
  • ku va a tshama na muhlayisi loyi a nga hakeriwiki ku va a hlayisa n’wana loyi.

Havumbirhi bya wena na n’wana loyi mi fanele ku va mi tshama eAfrika-Dzonga.

Tekela enhlokweni: U nge koti ku kuma mudende lowu eka kutlula tsevu wa vana lava nga riki va ngati kumbe lava nga wundliwiki hi xinawu.

Xana u ta kuma mali muni?
       
U ta kuma R500 hi n’hweti hi n’wana. (Top-up R500 + R250)

Xana u ta hakeriwa njhani?

Ejensi ya Mali ya Nhlayiso wa Vaaki ya Afrika-Dzonga (SASSA) yi ta ku hakela mudende lowu hi ku tirhisa yin’we ya tindlela leti landzelaka:

  • mali yinene eka ndhawu yo holela yo karhi hi siku ro karhi
  • dipoziti ya xielekitironiki eka akhawunti ya wena ya bangi kumbe ya Postbank (bangi yi nga ha ku hakerisa hakelo ya vukorhokeri)
  • nhlangano lowu tirhaka tanihi mulawuri wa mudende.

Tekela enhlokweni: Loko u nga koti ku kuma mali ya wena hi wexe, u nga thola muyimeri ehofisini ya SASSA, kumbe u nyika munhu un’wana matimba ya muyimeri wa swa nawu ku teka mudende hi ku yimela wena.

Xana i rini mudende wa n’wana loyi wu nga ha kambisisiwaka?

SASSA yi nga teka xiboho loko mudende wa wena wu fanele ku kambisisiwa. Malinghena ya wena tanihilaha yi tivisiweke hakona loko u endla xikombelo xa mudende yi ta vumba xivangelo xa xiboho lexi. U ta tivisiwa ka ha sale tin’hweti tinharhu hi siku leri nkambisiso wu nga ta endliwa harona kumbe siku leri xitifikheti xa vutomi (dokhumente leyi yi tiyisisaka leswaku wa ha hanya) xi lavekaka harona. Loko u kuma mali ya wena hi ku tirhisa bangi, nhlangano kumbe muyimeri, u nga ha laveka ku tatisa xitifikheti xa vutomi etihofisini ta SASSA lembe rin’wana na rin’wana.

Xana i rini mudende wa n’wana loyi wu nga ha yimisiwaka nkarhinyana?

Leswi landzelaka swi nga ha vanga ku yimisiwa nkarhinyana ka mudende wa n’wana:

  • ku cinca eka swiyimo swa wena
  • mbuyelo wa nkambisiso
  • loko u hluleka ku tirhisana loko mudende wa n’wana loyi wu kambisisiwa
  • loko u endla vumbabva kumbe u hembela n’wana loyi
  • loko ku vile na xihoxo loko mudende wa n’wana loyi wu pasisiwa
  • loko n’wana loyi a nga ha hlayisiwi hi wena.

Xana i rini mudende wa wena wu nga ta hundzeriwa hi nkarhi?

Mudende lowu wu ta hundzeriwa hi nkarhi:

  • loko n’wana loyi a lova
  • loko n’wana loyi a amukeriwa eka nhlangano wa mfumo
  • loko muhlayisi a nga wu koxi ku ringana tin’hweti tinharhu hi ku landzelelana
  • loko n’wana loyi a nga ha ri kona etikweni
  • emahelweni ya n’hweti leyi n’wana a khomaka 18.

Leswi u faneleke ku swi endla

  1. Yana ehofisini ya Ejensi ya Timali ta Nhlayiso wa Vaaki ya Afrika-Dzonga (SASSA) ya le kusuhi na laha u tshamaka kona naswona u ta na leswi landzelaka:
    • pasi ra wena leri nga na bakhodi ya tidijiti ta 13 (ID) na xitifikheti xa ku velekiwa. Loko u ri hava ID kumbe xitifikheti xa ku velekiwa:
      • Tatisa afidavhiti eka fomo leyi tirhisiwaka ya SASSA emahlweni ka Muhlambanyisi loyi a nga riki ofixiyali ya SASSA.
      • Tana na tidokhumente leti landzelaka:
        • xitatimente lexi hlambanyiweke lexi sayiniweke hi munhu loyi a tivekaka (wo tanihi khanselara, murhangeri wa ndhavuko, soxaliweka, mufundhisi kumbe nhloko ya xikolo) loyi a tivaka muendlaxikombelo na n’wana loyi 
        • vumbhoni bya leswaku u endlile xikombelo xa ID na/kumbe xitifikheti xa ku velekiwa eka Ndzawulo ya Timhaka ta Xikaya
        • ID ya nkarhinyana leyi nyikiwaka hi Ndzawulo ya Timhaka ta Xikaya (loko yi kumeka)
        • xitifikheti xa nkhuvulo loko xi ri kona
        • Khadi ra tliliniki ra Road to Health
        • Rhipoto ya xikolo loko yi ri kona.
    • Vumbhoni bya mali ya sapota yihi kumbe yihi leyi u yi kumaka ya n’wana loyi.
    • Vumbhoni bya malinghena ya wena.
    • Xitifikheti xa wena xa vukati (loko xi ri kona).
    • Loko u dlayile vukati, xileriso xa khoto lexi vulaka leswaku u na vutihlamuleri byo hlayisa bya n’wana.
    • Loko mutswari un’we kumbe havambirhi va lovile kumbe va kayivela, xitifikheti xa rifu xa mufi kumbe vumbhoni bya leswaku mutswari loyi wa kayivela, xik. xiviko xa munhu loyi a kayivelaka xo huma emaphoriseni.
  2. Tatisa fomo ya xikombelo emahlweni ka muofirsiri wa SASSA (tekela enhlokweni leswaku ko va wena ntsena tanihi muendlaxikombelo kumbe muofisiri wa SASSA a nga tatisaka fomo ya xikombelo).
  3. U ta nyikiwa rhasiti. Ri hlayise tanihi vumbhoni bya leswaku u endlile xikombelo.

Xana ku ta humelela yini loko xikombelo xa wena xi nga pasisiwi?

Loko xikombelo xa wena xi nga pasisiwi, SASSA yi ta ku tivisa hi ku tsala leswaku hikwalahokayini xi nga humelelangi.

Loko u kanetana na xiboho lexi, u nga aphila eka Holobye wa Nhluvukiso wa Vanhu ehofisini ya rixaka ya Ndzawulo ya Nhluvukiso wa Vanhu, u hlamusela leswaku hikwalahokayini u kanetana na xona. U fanele ku aphila ku nga si hela 90 wa masiku ya ku tivisiwa leswaku xikombelo xa wena a xi humelelangi.

Xana swi teka nkarhi wo leha kufika kwihi

  • Swi nga ha teka ku ringana tin’hweti tinharhu ku tirha xikombelo xa wena.
  • Loko mudende wa wena wu pasisiwile, u ta hakeriwa kusuka eka siku leri u endleke xikombelo harona.

Xana swi durha mali muni

Vukorhokeri lebyi i mahala.

Tifomo leti ti faneleke ku tatisiwa

Tifomo leta xikombelo a ti kumeki eka Inthanete, kambe u nga yi kuma ehofisini ya le kusuhi na wena (SASSA).

Loyi u faneleke ku tihlanganisa na yena

Ejensi ya Timali ta Nhlayiso wa Vaaki ya Afrika-Dzonga (SASSA)

 

SASSA Toll free: 0800 60 10 11
Email: GrantEnquiries@sassa.gov.za  

Published Date

Share this page