Phurogireme ya ku Antswisa Maphikizanele eka Swiambalo na Mpahla (CTCP)

Phurogireme ya ku Antswisa Maphikizanele eka Swiambalo na Mpahla (CTCIP) ri kongomisa eka ku nyika matimba eka vamaki na le ka tindhawu tin'wana ta nkoka wa nkhaviso eAfrika-Dzonga, ku endlela leswaku va kota ku phakela kahle vaxavi va vona na ku tlhela va kota ku phikizana na matiko yan'wana ya misava. Mphikizano wa muxaka lowu wu angarhela timhaka ta tihakelo, nkoka, ku tirhisaneka, ku tshembheka, ku cinceka na matimba yo tumbuluxa.

Endzhaku ka loko mfumo wu vekile 100% ta xilaveko xa swimakiwa swa laha tikweni, sekitara ya swiambalo, malapi, madzovo na tintangu yi vonile ku tivisiwa nakambe ka swimakiwa laha vuhumelerisi bya laha tikweni a byi yimisiwile. Leswi swi katsa malapi ma xithekiniki, tintangu ta nsirhelelo, malapi ya nsirhelelo na malapi ya chambareyi.

Mphalalo lowu, hi ku tlhela wu seketeriwa hi Nongonoko wa Antswiso wa Vuphikizani bya Swiambalo na Malapi, wu hoxile xandla eka ku humelerisa sekitara leyi. Hi ku angula eka nkhuluko wa tinhundzu to huma ematikweni mambe ta swiambalo swo chipa, mfumo wu tlakusile xibalo xa tinhundzu to huma ematikweni mambe eka swiambalo kufika eka 45% hi ku landzelela swinawana swa Nhlangano wa Mabindzu wa Misava.

Kuma vuxokoxoko byo tala hi ta phurogireme eka Ndzawulo ya Mabindzu na Vumaki.