U fanele ku tsarisa ku velekiwa ka n’wana wa wena ku nga si hela ka 30 wa masiku endzhaku ka ku velekiwa. Ku velekiwa ku nga tsarisiwa hi mutswari, muhlayisi kumbe munhu un’wana wihi kumbe wihi loyi a nga na vutihlamuleri bya xinawu bya n’wana loyi eka hofisi ya Ndzawulo ya Timhaka ta Xikaya. Loko u ri entsungeni wa malwandle, ku velekiwa ku nga tsarisiwa eka embasi kumbe mixini ya wena ya le kusuhi.
Ntsariso wa ku velekiwa endzhaku ka 30 wa masiku wu tekiwa tanihi mitsariso leyi nga hlwela kutani swilaveko swo engetela swa tirha.
Xikan’wekan’we loko ku velekiwa ka n’wana wa wena ku tsarisiwile, xitifikheti xa ku velekiwa lexi nga komisiwangiki xi nyikiwa mahala. U nga endla xikombelo sa switifikheti swa ku velekiwa leswi nga komisiwangiki swo engetela, leswi hakelo ya swona yi faneleke ku hakeriwa. Xitifikheti xa ku velekiwa lexi nga komisiwangiki xa laveka loko u teka rendzo kuya ehandle ka tiko na n’wana.
Kumisisa swo tala hi mayelana na hilaha u nga tsarisaka hakona ku velekiwa , kumbe u tihlanganisa na Ndzawulo ya Timhaka ta Xikaya (DoHA).
