Ka ga
Se o tshwanetseng go se dira
Nako ya tiragatso
Tuelo ke bokae
Diforomo tse di tladiwang
O ka golagana le mang
Ka ga go ntšhwafatsa karata ya gago ya laesense ya go kgweetsa
O tshwanetse go ntšhwafatsa karata ya gago ya laesense ya go kgweetsa dibeke tse nne pele ga letsatsi la yona la bofelo. Fa o e ntšhwafatsa morago ga letsatsi la bofelo, o tla tshwanela go kopa laesense ya nakwana ya go kgweetsa ka tuelo ya tlaleletso fa o sa letile gore go rebolwe laesense ya gago ya go kgweetsa.
Ela tlhoko: Go ntšhwafatsa laesense ya gago, ga o kitla o tlhoka go tsenela tlhatlhobo ya laesense ya go kgweetsa, mme o tla dira teko ya matlho le dikgatiso tsa gago tsa menwana di tla tsewa. Kgotsa, o ka nna wa ya go tlhatlhoba matlho a gago kwa ngakeng ya matlho mme o bo o romela foromo kwa lefelong la teko (DLTC). Fa pono ya gago e koafetse go feta go simolola ka letlha le laesense ya gago e rebotsweng ka lona, go tla mametlelelwa mabaka a mašwa mo laesenseng ya gago.
Se o tshwanetseng go se dira
- Etela Lefelo le le gaufi la Teko ya Laesense ya go Kgweetsa ka tse di latelang:
- lekwaloitshupo le khopi ya lona, karata ya kgale ya laesense ya go kgweetsa kgotsa phaseporoto e e tlhomameng ya Aforikaborwa
- dinepe tse pedi tsa ID tsa mmala o mosweu le o montsho
- madi a kopo.
- Tlatsa foromo ya DL1, Kopo ya ntšhwafatso ya karata ya laesense ya go kgweetsa.
- O tla dira teko ya matlho kgotsa o ka nna wa e dira kwa ngakeng ya matlho le go lere dipholo DLTC.
Diforomo tse di tladiwang
Kopo ya ntšhwafatso ya laesense ya go kgweetsa, DL1. Foromo e teng mo driving licence testing centre.
Contact the relevant municipality