Dintlha ka | O lokela ho etsang | Nako ya tshebetso | Ditjeo ke bokae | Diforomo tse tlatswang | Dintlha tsa ho iteanya
Dintlha ka ho ngodisa jwalo ka mohlokomedi ya theilweng setjhabeng
Ha o batla ho fana ka tlhokomelo e theilweng setjhabeng mmoho le tshebeletso ya tshehetso maqhekung, o lokela ho etsa kopo Ofising e haufi le wena ya Lefapha la Ntshetsopele ya Setjhaba foromong e tshwanang le Foromo ya 2.
Lefapha le fana nka thuso ya ditjhelete le tshehetso mekgatlong e fanang ka ditshebeletso bathong le ho ba malapa ba tshwaeditsweng le ho angwa ke HIV le AIDS. Mekgatlo ena e fana ka ditshebeletso tsa tlhokomelo e theilweng Lapeng/Setjhabeng ho etsa bonnete ba hore ditlhoko tsa motheo tsa batho ba phelang ba na le HIV le AIDS (PLWHAs) di a fihlelwa.
O lokela ho etsang
- Ha o sa tsebe dibaka dife kapa dife tsa bodulo, e ya ofising ya Lefapha la Ntshetsopele ya setjhaba ho ya botsa ka sebaka se haufi sa bodulo.
- Tlatsa mme o kgutlisetse diforomo tsa kopo sebakeng sa bodulo.
- Romela ho latelang:
- Tokomane ya boitsebiso ya Afrika Borwa.
- Raporoto ya bongaka.
- O tla feta hlahlobong ya tekolo ho bona hore na o a tshwaneleha hore o ka kena le bakeng sa saposidi.
- Ha o se o tsofetse haholo kapa o kula hoo o ke keng wa kgona ho ya etsa kopo ofising, kopa wa lelapa kapa motswalle ho ya etsa kopo lebitsong la hao
- Ketelo ya lapeng ho tla lekola boemo ba ha jwale ba bophelo e tla hlophiswa ke mosebeletsi wa setjhaba
- Ha kopo ya hao e sa dumellwa o lokelwa ho fuwa mabaka a ngotsweng fatshe, mme o ka etsa boipiletso ho Letona la Ntshetsopele ya Setjhaba
Re kopa hore o ele hloko: Ho amohelwa sebakeng sa bodulo sa maqheku ho tla ya ka hore na ho na le dibethe na.
Nako ya tshebetso
Kopo ya hao e tla sebetswa matsatsing a 14 mme o tla fumana karabo ya kamohelo ya hao matsatsing a 30 ka mora ho kenya kopo ya hao.