Dintlha ka
O lokela ho etsang
Nako ya tshebetso
Ditjeo ke bokae
Diforomo tse tlatswang
Dintlha tsa ho iteanya
Mabapi le ho ngodisa sebaka sa bodulo sa maqheku
Ha o batla ho ngodisa sebaka sa bodulo sa maqheku o le mong kapa le le mokgatlo, o lokela ho etsa kopo ofising e haufi le wena ya Lefapha la Ntshetsopele ya Setjhaba.
O lokela ho etsang
- E ya ofising e haufi le le moo o dulang ya Ntshetsopele ya Setjhaba.
- Tlatsa foromo ya kopo ya 9.
- Ka mora ho kenya kopo ya hao o tla fuwa lengolo la kananelo jwalo ka bopaki ba kopo ya hao.
- Mosebeletsi wa setjhaba o tla mema bathahaselli ba bang ba jwalo ka mosebeletsi wa tsa bophelo tikolohong le ngaka ho batlisisa le ho lekola sebaka sa bodulo seo ho buuwang ka sona.
- Ka mora tekolo ke bathahaselli, ho tla ba le raporoto e romelwang ofising ya Lefapha la Ntshetsopele ya Setjhaba moo kopo ya hao e tla dumellwa, kapa e dumellwe tlasa maemo a itseng kapa e hanelwe.
- Ha o sa dumellane ka qeto e entsweng, o lokela ho etsa boipiletso ho Letona la Ntshetsopele ya Setjhaba matsatsing a 90 o fumane tsebiso.
Ditjeo ke bokae
Kopo ka boyona ke mahala empa o tla tshwanela ho lefa bakeng sa ditifikeiti tse ding tse jwalo ka setifikeiti sa bophelo tikolohong.
Diforomo tse tlatswang
Diforomo di fumaneha ofising e haufi le wena ya Ntshetsopele ya Setjhaba e leng Social Development Office.