Uma tincwadzi takho tentiwe eNingizimu Afrika futsi titawusetjentiswa kulelinye live kufanele ticale “ticinisekiswe” nobe “tentiwe tibe semtsetfweni”. Kulendlelanchubo kufakwa titembu letehlukene encwadzini kute icashelwe njengencwadzi lesemtsetfweni kulamanye emave.
Luphiko Lwekwenta Kube Semtsetfweni eTikweni Letebudlelwano Nekubambisana Kwemave Emhlaba lungakhipha Sitifiketi Sekusekela nobe Sitifiketi Sekucinisekisa ngalemitsetfo lelandzelako:
- Tincwadzi tisasemtsetfweni.
- Kufanele watise Luphiko Lwekwenta Kube Semtsetfweni eveni incwadzi letawusetjentiswa kulo kutsi luvumele luphiko luncume kwekutsi siyadzingeka yini Sitifiketi Sekusekela nobe Sekucinisekisa.
- Kuya ngeluhlobo lwetincwadzi, ungacale utfole sitembu/kusayinwa kweticwadzi litiko lelifanele nobe inhlangano; Mantji, lomunye Mantji nobe Umsiti waMantji; nobe Mabhalane nobe Umsiti Wamabhalane Welikhotho Leliphakeme laseNingizimu Afrika ngembikwekutsi Luphiko Lwekwenta Kube Semtsetfweni lungakhipha Sitifiketi Sekusekela nobe Sekucinisekisa lesifanele.
Tincwadzi letilandzelako atemukeleki:
- Tincwadzi letifishanisiwe nobe letishicilelwe ngangcondvomshini.
- Emakhophi lacinisekisiwe etitifiketi temshado, tekutalwa, tekufa nobe emvume yemaphoyisa.
- Emakhophi Lacinisekisiwe Etitifiketi Tesimo Semshado (asikho sivimbelo) nobe Sicinisekiso Sebuve.
- Emakhophi lacinisekisiwe etincwadzi tekuhamba nobe bomatisi.
- Tincwadzi letifakazelwe Bokhomishana Bekufunga kwekutsi tingemakhophi langiwo etincwadzi mbamba, ngeke temukeleke futsi kufanele tiyiswe Kumgunyati Wetivumelwano (longummeli lobhaliswe Ekhotho Lephakeme).
Fundza kabanti ngekwenta kube semtsetfweni kwetincwadzi temtsetfo, tsintsana neLuphiko Lwekwenta Kube Semtsetfweni kulenombolo yelucingo: 012 351 1726 nobe i-imeyli ku: legalisation@dirco.gov.za.
