Bantfu baseNingizimu Afrika lababoshiwe nobe labavalelwe emajele wakulamanye emave bangacela tiphatsimandla kutsi tibavumele batsintsane nalomelele iNingizimu Afrika kulelolive. Lokukanye, lotsite angatsintsana nalomelele iNingizimu Afrika kulelolive nobe Umcondzisi Lomkhulu Wemisebenti Yelusito Yemancusa we-DIRCO ePitoli.
Tikhulu temancusa tingasita ngekucinisekisa kutsi takhamiti taseNingizimu Afrika letiboshwe kulamanye emave tiphatfwa kahle ngesikhathi tiboshiwe. Titovakashela takhamiti letiboshiwe, tinike lwati mayelana neluhlelo lwetemtsetfo lwalelolive futsi titsintsane nemndeni nobe bangani, nangabe kwentiwe sicelo lesibhalwe phasi.
Fundza kabanti ngelusito loluniketwa bantfu baseNingizimu Afrika lababoshwe kulamanye emave, nobe tsintsana nalomelele iNingizimu Afrika nobe Umcondzisi Lomkhulu Wemisebenti Yelusito Yemancusa ePitoli.
