Litiko Letebudlelwano Nekubambisana Kwemave Emhlaba (i-DIRCO) lentela takhamiti taseNingizimu Afrika letisebenta, letihlala, letivakashako naletifundza kulamanye emave imisebenti yelusito yemancusa.
Kuya ngemsebenti welusito lodzingekako, kungase kucelwe lifomu lelisemtsetfweni lelikuchazako. Nangabe ungabata futsi nakungenteka ungacala ngekushaya lucingo kute wonge sikhatsi. Imisebenti yelusito yemancusa yentiwa mahhala ngaphandle nangabe kushiwo ngalenye indlela.
Imisebenti yemancusa ingahlanganisa lusito lwetimo letiphutfumako, lusito lwetemtsetfo nobe lusito lwekwentelwa tincwadzi tekuhamba letilahlekile nobe letebiwe.
Kute utfole lusito nangabe ungaphandle kwelive tsintsana nalomelele iNingizimu Afrika losedvute nobe Umcondzisi Lomkhulu Wemisebenti Yelusito Yemancusa ePitoli.
