Bhalisa njengalofundzisa kushayela

Ngesi nekubhalisela kuba ngulofundzisa kushayela

Kute ube ngulofundzisa kushayela losemtsetfweni eNingizimu Afrika, kufanele kutsi ubhalise kulitiko letekutfutsa lesifundza. Labafundzisa kushayela kudzingeka kutsi babe nesitifiketi lesikhomba sigaba nome luhlobo lwemoto labavumeleke kutsi balufundzise bafundzi.

Bafundzisi bahleleke ngekwetigaba ngalendlela:

• Umfundzisi weSigaba A – ukhona kuceceshela umuntfu tincwadzi tekushayela tanome ngabe nguyiphi ikhodi futsi umfundzisi lonjalo yena unakhodi EC wetincwadzi tekushayela imoto lentjintjwako kanye netincwadzi tekushayela tekhodi A;
• Umfundzisi weSigaba  B - ukhona kuceceshela umuntfu tincwadzi tekushayela tekhodi B, C1, C, EB, EC1 na-EC, kantsi umfundzisi lonjalo yena unetincwadzi tekushayela tekhodi EC temoto lentjintjwako;
• Umfundzisi weSigaba C – ukhona kuceceshela umuntfu tincwadzi tekushayela tekhodi A1, A na-B, kantsi umfundzisi lonjalo yena unetincwadzi tekushayela tekhodi EB temoto lentjintjwako kanye netincwadzi tekushayela tekhodi A;
• Umfundzisi weSigaba D – ukhona kuceceshela umuntfu tincwadzi tekushayela tekhodi B, kantsi umfundzisi lonjalo yena unetincwadzi tekushayela tekhodi EB temoto lentjintjwako; nome
• Umfundzisi weSigaba L – ukhona kuceceshela umuntfu tincwadzi tekushayela tanome ngabe nguyiphi ikhodi.

Utawubukana kuphela neluhlobo lwemoto lotfole imvume kulo. Sitifiketi semfundzisi siba semtsetfweni umnyaka nje munye.

Yini lekumele uyente

1. Yani kusikhungo sekuvivinyela tincwadzi tekushayela lesisedvute sikhungo sekuvivinyela tincwadzi tekushayela  nelifomu lakho lesitifiketi setekwelashwa  kute ubhuke lusuku lwesivivinyo.
2. Gcwalisa lifomu (i-RI) lesicelo sekubhalisela kuba ngumfundzi wekushayela timoto.
3. Utawutjelwa kutsi uye esiteshini semaphoyisa kute uyotfola sititifiketi sekufaneleka.
4. Lesivivinyo utawukusibhala, ngelusuku lotawuniketwa ngalo lesivivinyo. Nawuphumelela, kufanele kutsi ukhokhe imali lencunyiwe.
5. Sikhungo sekuvivinya sitawutfumela sicelo sakho kuMphatsiswatiko kutsi sivunywe nome saliwe. Nangabe sivunyiwe, sikhungo sekuvivinya sitawukhipha imvume.

Sikhatsi semsebenti

Imvume ingabe seyilungile emavikini lasitfupha kuya kulasiphohlongo.

Ngabe kubita malini

Tfola ehhovisi lekubhalisa imvume lendzawo kutsi malini.

Emafomu lagcwaliswako

• Sicelo sekubhalisela kuba ngumfundzisi wekushayela timoto (i-RI)
• Sitifiketi setekwelashwa

Lamafomu atfolakala nome ngukutiphi tikhungo tekuvivinyela tincwadzi tekushayela  nome kuwebhusayithi ye-eNatis.

Ngubani longamutsintsa