Sicelo sekuchibiyela nobe kucisha sitifiketi sekubhaliswa kwelikhaya lalabadzala

Lokuphatselene nekuvala sakhiwo sekuhlala bantfu labagugile

Ngabe ufuna kuvala sakhiwo sekuhlala bantfu labagugile bese ukhansela sitifiketi sakho sekubhaliswa? Kufanele watise Litiko Letenhlalakahle nebantfu labagugile labahlala lapho ngekhatsi kwetinsuku letingu-90 talenhloso yakho yekuvala lesakhiwo sekuhlala bantfu labagugile.

Lesakhiwo sekuhlala bantfu labagugile kufanele sicinisekise kutsi labantfu labagugile baniketwa kwelulekwa lokufanelekile ngaphambi kwekuvala lesakhiwo sekuhlala bantfu labagugile.

Kufanele utfole indzawo yekuhlala lefanelekile yalabantfu labagugile kulesinye sakhiwo sekuhlala bantfu labagugile lesibhalisiwe bese ubuyisela lesitifiketi sekubhaliswa kulihhovisi leLitiko Letenhlalakahle lelisedvute nawe.

Yini lekumele uyente

1. Gcwalisa lifomu lekufaka sicelo 12 kulihhovisi leLitiko Letenhlalakahle lelisedvute nawe.
2. Ngemuva kwekutfumela sicelo sakho utawuniketwa lifomu lekucinisekisa (lifomu 13) njengebufakazi besicelo sakho.
3. Lelitiko litawucwaninga lendzawo yekuhlala lesha lapho labantfu labagugile labatawuyiswa khona.
4. Kufanele utfumele umbiko kuleLitiko loveta tinyatselo kanye nemitamo loyitsetse kutfola lenye indzawo yekuhlala yebantfu labagugile.

Sikhatsi semsebenti

Kute sikhatsi semsebenti.

Ngabe kubita malini

Lokufaka sicelo akukhokhelwa.

Emafomu lagcwaliswako

Emafomu ekufaka sicelo ayatfolakala ku-Lihhovisi Letenhlalakahle. Lelisedvute nawe.

• Lifomu 12: Satiso ngenhloso yekuvala sakhiwo sekuhlala bantfu labagugile
• Lifomu 13: Lifomu lekucinisekisa

Ngubani longamutsintsa