Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa
Ngekufaka sicelo sekungenisa eveni emakhemikhali
Uma ufuna kungenisa eveni emakhemikhali latsite, udzinga imvumo lephuma kuKhomishini Yekuphatsa Kuhwebelana Nemhlaba Jikelele (i-ITAC). I-ITAC itawuncuma kutsi ngabe kuyintfo lenhle emphakatsini kungenisa lamakhemikhali.
Emakhemikhali alawulelwa kutsi ahambisane nemibandzela ye-Montreal Protocol kanye ne-1988 United Nations Convention Against Illicit Traffic kutiDzakamiva kanye naleminye imitsi. Lena mitamo yemhlaba jikelele yekuvikela umkhatsi kanye nekulwa nekukhicitwa kwetidzamiva emhlabeni jikelele kanye nekutsengiswa kwato.
Uma ufaka sicelo sekungenisa eveni kwalamakhemikhali, kumele utfole incwadzi yekunconotwa lephuma emaphoyiseni aseNingizimu Afrika (i-SAPS) nobe lephuma kuLitiko Letesimondzawo (i-DEA).
Yini lekumele uyente
- Gcwalisa lamafomu esicelo lalandzelako:
- Application for Permit to Import Chemicals, IE464 (Sicelo sekungeniswa kwemakhemikhali IE464)
- Application for Permit to Import Chemicals Annexure (Sengeto ku IE464 sicelo sekungenisa emakhemikhali)
- Faka loku lokulandzelako:
- ikhophi yesitifiketi se-vat sakho
- ikhophi lecinisekisiwe yamatisi wakho uma ngabe ungenaso sitifiketi se-vat.
- tincomo letiphuma ku-SAPS uma ngabe lamakhemikhali afakwe ku-e-1988 United Nations Convention Against Illicit Traffic kutiDzakamiva kanye naleminye imitsi.
- sincomo lesiphuma ku-DEA uma lamakhemikhali afakiwe ku-Montreal Protocol.
Sikhatsi semsebenti
Kungatsatsa emalanga lamatsatfu kutsi imvumo iniketwe.
Ngabe kubita malini
ITAC ayibhadaliseli umsebenti, kepha kutofanele ubhadale umtselo eSARS. Umtselo utobalwa njenge ncenye yesibalo saletimphahla (loku kubhalwe etigabeni Temtsetfo weMtselo). Kuze utfole leminye imininingwane ngemtselo waseSARS, vakashela indzawo yeSARS kungcondvomshini.
Emafomu lagcwaliswako
- Application for Permit to Import Chemicals, IE464 (Sicelo sekungeniswa kwemakhemikhali IE464)
- Application for Permit to Import Chemicals Annexure (Sengeto ku IE464 sicelo sekungenisa emakhemikhali)
Ngubani longamutsintsa
ITAC national office - Import and Export Control
Tel: 0861 834 384, 012 394 3590, 012 394 3591
City/town: Pretora
Province: Gauteng
Physical address: International Trade Administration Commission, 77 Meintjies Street, Block D, Sunnyside, Pretoria, 0001
Postal address: Private Bag X753 Pretoria, 0001
Web address: http://www.itac.org.za
