Sicelo setiNsita teTenhlalakahle teMave ngemave

Inchazelo

Tinyatselo lekumele tilandzelwe

Imitsetfo lesebentako

Emazinga ekusebenta nesikhatsi

Tindleko

Emafomu lagcwaliswako

Imininingwane yekutsintsana  

Inchazelo etiNsita teTenhlalakahle teMave ngemave

Tinsita teTenhlalakahle teMave ngemave (International Social Service (ISS) yinhlangano yalamanye emave, letimele lengakhetsi ngekwetepolitiki, tebuhlanga, tenkholo nobe tavelonkhe, lenaMabhalane Jikelele loseGeneva, Switzerland. Lensita inekuchumana kwabosonhlalakahle bemhlaba labaceceshiwe futsi labanelwati lolubanti ngemave abo.

I-ISS isita bantfu labangabodvwana nemindeni lenetinkinga letibukene nabo netetenhlalo letidzinga kubambisana kwemave. Ivulekele nobe ngubani ngekhatsi eNingizimu Afrika nangesheya.

Tinyatselo lekumele tilandzelwe

1. Ticelo tebantfu labahlala eNingizimu Afrika:
   • Faka sicelo ehhovisi lakho lelidvutane labosonhlalakahle.
   • Hlanganisa sibutsetelo sesifinyeto senkinga ngekuya kwendlela lechazwe ku-ISS. Lesifinyeto senkinga sitawukhipha timo kanye neticelo tetinsita letidzingeka kulelive langaphandle.
   • Tfumela lesifinyeto senkinga kummeleli wesifundza we-ISS eNhlohhovisi lesifundza leLitiko leTekutfutfukiswa kweTenhlalakahle.
   • Lommeleli wesifundza utawubese utfumela lesicelo kutiNsita teTenhlalakahle yeMave emhlaba teNingizimu Afrika (International Social Service of South Africa (ISS SA) lemise ngekhatsi kuLitiko leTekutfutfukiswa kweteNhlalakahle laVelonkhe.
2. Ticelo tebantfu labahlala ngaphandle kweNingizimu Afrika:
   • Faka sicelo ku-ISS eHhovisi laHulumende lelililunga lenhlangano nobe lelingumchumanisi eveni langephandle.
   • Lihhovisi lahulumende litawutfumela sicelo sakho ku-ISS SA.

Imitsetfo lesebentako

Tinsita tetenhlalakahle talamanye emave tetfulwa ngekwemibandzela yeKontileka yekuba Lilunga (Affiliation Contract) emkhatsini weLiTiko leTekutfutfukiswa kweTenhlalakahle ne-ISS: Lihhovisi lamabhalane Jikelele.

Emazinga ekusebenta nesikhatsi

• Lokutfunyelwe/ndluliselwe kusetjentwana nako uma kufika. Uma kufika lokwendluliselwe kusuka etitkweni lesifundza i-ISS SA itawendlulisela lesicelo setinsita ku-ISS Affiliated Bureau nobe ehhovisi lekuchumanisa eveni langaphandle. Imphendvulo yabo itawuya ngetimo tendzawo yabo.
• Uma kufika lokwendliselwe lokuvela eveni langaphandle, i-ISS SA yendlulisela loludzaba kummeleli wendzawo wesifundza lotawuhlela nasonhlalakahle wendzawo kuphenya ngaloludzaba futsi atfule nembiko etikweni lesifundza. Uma ngabe sewufikile, lombiko utawutfunyelwa ku-ISS SA, letawuhlolisisa lombiko bese iwutfumela kulabo labatsintsekako, kanye netiphakamiso, imibuto kanye/nobe tinkinga.
• Lizinga letinsita leticwengekile licinisekiswa ngusonhlalakahle wendzawo nesifundza kanye futsi nasonhlalakahle lobukene naloludzaba ehhovisi le-ISS SA. Basebenti bahulumende balandzela iphrothokholi lechazwe yi-ISS: Lihhovisi laMabhalane Jikelele.

Tindleko

Letinsita tamahhala eNingizimu Afrika kepha kulamanye emave, ungacelwa kutsi ukhokhele timali letitsite. Letimali tiyehlukana ngekuya kwemave.

Emafomu lagcwaliswako

Akudzingeki kutsi ugcwalise emafomu.

Imininingwane yekutsintsana

Lelitiko Letekutfutfukiswa Kwetenhlalakahle