Sicelo seselekelelo setigayigayi temphi

Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa

 

 

Ngesibonelelo seTigayigayi Temphi

Uma ngabe ulisotja lakudzala lelilwe eMphini yeMhlaba yekuCala (1904-1918), iMphi yeMhlaba yeSibili (1939-1945), kuvukelwa kwembuso kwemaZulu (1906) nobe eMphini yeKoriya futsi awukhoni kutondla, ungafaka sicelo seSibonelelo seTigayigayi Temphi.

Ngabe wati njani kutsi uyafaneleka?

Kumele:

  • ube sakhamuti saseNingizimu Afrika nobe umhlali ngalokuphelele
  • uhlale eNingizimu Afrika
  • ube neminyaka lengu-60 nobe ngetulu nobe ukhubateke
  • ube ulwe eMphini yeMhlaba yeSibili nobe iMphi yaseKoriya
  • ungatfoli nobe ngusiphi sibonelelo setenhlalakahle ngekwakho
  • unganakekelwa esikhungweni sembuso
  • ungaholi ngetulu kwa-R 86 280 ngemnyaka . Uma ushadile, umholo wenu lohlangene kumele ungabi ngetulu kwa-R172 560
  • nobe ube netimphahla letibita ngetulu kwa- R 1 227 600 uma ungakashadi kantsi umlingani wakho kumele angabi netimphahla letibita ngetulu kwa-R 2 455 200.

Khumbula: Uma uhlala endlini yakho nemlingani wakho lengeyenu, linani alinakwa ngetinhloso tesivivinyo sesilinganiso sekufaneleka.

Utawutfola malini?

Linani lelisetulu lotalitfola ngu- R 2 200 ngenyanga.

Utawukhokhelwa njani?

 I-Ejensi yekuCinisekiswa kweteNhlalakahle eNingizimu Afrika (SASSA) itawubhadala sibonelelo ngayinye kuletindlela letilandzelako:

  • ngakheshi endzaweni letsite yekubhadala ngelilanga lelitsite
  • kufaka nge-elekthronikhi ebhangini lakho, kufaka ekhatsi libhangi laseposini (libhangi lingabhadalisa ngalolusito)
  • kusikhungo lesisebenta njengemphatsi wesibonelelo (sib. inhlangano yetenhlalakahle).

Khumbula: Uma ungakhoni kutilandzela sibonelelo ngekwakho, ungatikhetsela umuntfu ehhovisi le-SASSA, nobe unikete lomunye umuntfu emandla lotawulandza sibonelelo sakho egameni lakho.

Ngabe sibonelelo sakho singabuyeketwa nini?
    
I-SASSA ingancuma kutsi sibonelelo sakho kumele sibuyeketwe. Umholo wakho lodzaluliwe ngalesikhatsi ufaka sicelo utawuba sisekelo salesincumo. Utawatiswa etinyangeni letintsatfu ngaphambilini ngelusuku lwekutawentiwa ngalo sibuyeketo nobe ngelusuku lekudzingakala ngalo sitifiketi sekuphila. Uma utfola imali yakho ngelibhangi, ngesikhungo nobe ngemuntfu lokulandzela imali, udzingakala kwekutsi ugcwalise sitifiketi sekuphila emahhovisi e-SASSA njalo ngemnyaka.  
    
Ngabe sibonelelo sakho singamiswa nini?
    
Loku lokulandzelako kungaholela ekuhlehlisweni kwesibonelelo:

  • uma timeko takho tigucuka
  • umphumela wesibuyeketo
  • uma wehluleka kutfobela ngalesikhatsi kubuyeketwa sibonelelo
  • uma ukhwabanisa nobe utiphatse kabi
  • uma kube khona liphutsa ngalesikhatsi kwemukelwa sibonelelo sakho. 

Ngabe sibonelelo sakho sitawupheliswa nini?
    
Sibonelelo sitawupheliswa ngenca:

  • yekushona
  • kufakwa esikhungweni sembuso
  • uma sibonelelo singalandvwa tinyanga letintsatfu letilandzelanako
  • uma ungekho eveni.

Uma lona lozuzako umukelwa kusakhiwo lesinenkhontileka nahulumende kute simnakekele bese sigcina loyo muntfu, lolusekelo mali lutawuncishiswa liye ku-25% kulemali laniketwa yona kusukela kulenyanga yesine ngemuva kwekumukelwa kwaloyo lozuzako kuleso sakhiwo. Lolusekelo mali lutawubuyiselwa kusuka ngalolusuku lona lozuzako akhishwa kulesakhiwo.

Yini lekumele uyente

  • Yani ku-Ejensi yekuCinisekiswa kweteNhlalakahle eNingizimu Afrika (SASSA) edvute nalapho uhlala bese ufika naloku lokulandzelako:
    • Umculu wamatisi (i-ID) wakho lonemagabelo lanemadijithi langu-13. Uma ungenaye i-ID:
      • kumele ugcwalise i-afidavithi ngelifomu le-SASSA leletayelekile phambi kweMfungisi longesiso sisebenti se-SASSA
      • kumele uletse sitatimende lesifungelwe lesisayinwe ngumuntfu lohloniphekile (njengekhansela, umholi wendzabuko, sisebenti setenhlalakahle, umfundisi welisontfo nobe thishelanhloko) longafakazela ligama lakho nebudzala
      • bufakazi bekutsi ufake sicelo se-ID nobe sitifiketi sekutalwa? kuLitiko Letasekhaya.
    • matisi wesikhashana lokhishwe Litiko Letasekhaya (lapho kudzingakala khona)
    • Bufakazi bekusebenta emphini, sib. sitifiketi sekusebenta
    • uma ngaphasi kwa-60, luhlolo lwetekwelapha nobe umbiko lotsi awukhoni kusebenta
    • bufakazi besimo semshado. Um:
      • ungakashadi, i-afidavithi letsi awukashadi
      • ushadile, sitifiketi sakho semshado kanye namatisi wemlingani wakho
      • udivosile, umyalo wedivosi yakho
      • umlingani ashonile, sitifiketi sekushona kwemlingani wakho.
    • uma wena nobe umlingani wakho asebenta, tiliphu temholo wenu
    • hma ngabe ungasebenti, Sikhwama seMshuwalensi wekuPhelelwa nguMsebenti sakho (UIF) i-'blue book' nobe sitifiketi semcashi wangaphambilini
    • hma une-akhawundi yasebhangi, titatimende tasebhangi lakho tetinyanga letintsatfu letindlulile
    • uma usise timali, umniningwane ngetinzuzo kanye nemadividenti lowatfolile.

Khumbula: Uma umdzala kakhulu nobe ugula kutsi ungahamba uye ehhovisi kuyofaka sicelo, lilunga lemndeni nobe umngani angafaka sicelo egameni lakho. Lomuntfu kumele ahambe nencwadzi lephuma kuwe kanye/nobe linothi ladokotela lelisho kutsi kungani ungakwati kuya ehhovisi.

  • Gcwalisa lifomu lesicelo phambi kwesisebenti se-SASSA (khumbula kwekutsi nguwe kuphela njengalofaka sicelo kanye nesisebenti se-SASSA leningagcwalisa lelifomu lesicelo).
  • Utawuniketwa irisithi. Yingcine njengebufakazi bekutsi ufake sicelo.
  • Uma ufuna kubhalisela kutfola imali yakheshi, sisebenti se-SASSA sitakuniketa lusuku lotawudzinga kubuya ngalo nekutsi yini lodzinga kuyiletsa.

Kwentekani uma sicelo sakho singemukelwa?

Uma sicelo singamukelwa, i-SASSA itakwatisa ngekubhala kwekutsi kungani sicelo sakho singakabi yimphumelelo.

Uma ungavumelani nesincumo, ungafaka sikhalo kuNdvuna Yekutfutfukisa Tenhlalo kuLitiko Lavelonkhe Lekutfutfukisa Tenhlalo. Kumele ufake sikhalo ngekhatsi kwemalanga langu-90 ekwatiswa kwekutsi sicelo sakho asikaphumeleli.

Sikhatsi semsebenti

  • Kungatsatsa tinyanga letintsatfu kusebenta sicelo sakho.
  • Uma sicelo sakho sivunyiwe, utawubhadalwa kusukela ngelusuku inkantolo ifake umntfwana etandleni takho.

Ngabe kubita malini

Lolusito lwamahhala.

Emafomu lagcwaliswako

Lifomu lesicelo alitfolakali ku-inthanethi, kodvwa ungalitfola ehhovisi lekucinisekiswa kwetenhlalakahle (le-SASSA) lelisedvute nawe.

Ngubani longamutsintsa

I-Ejensi yekuCinisekiswa kweteNhlalakahle yaseNingizimu Afrika (SASSA)

SASSA Toll free: 0800 60 10 11
Email:  GrantEnquiries@sassa.gov.za  

Share this page