Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana
Luhlelo lweKwabela kaBusha uMhlaba wekuTfutfukisa tekuLima (LRAD) lwentelwa kusita takhamiti, temiphakatsi yetakhamiti letingema-Afrika, emaKhaladzi nemaNdiya lebetincishwe ematfuba esikhatsini lesendlulile ekutsenga umhlaba nobe tintfo tekulima letentelwe ngco tinhloso tekulima.
Kute ufaneleke, kumele
- ube lilunga lelicembu lebelincishwe ematfuba phambilini (lelo, ngeMa-Afrika, emakhaladzi nobe emandiya)
- ube neminyaka lengu-18 nobe ngetulu budzala
- ube ngulotawusebentisa lomhlaba ngetinhloso tetekulima/kufuya kuphela
- ube ngulotawulima/afuye ngaso sonkhe sikhatsi
- ungabi nesikhundla kutimiso tahulumende
- ulungele kubandzakanyeka eluhlelweni lwekucecesha ngemuva sewutfole lomhlaba
- ube sesimeni sekufaka ligalelo
- nibe yintfo lebumbene nangabe nifaka sicelo njengelicembu
- ube ne-akhawunti yasebhange.
Balimi/fuyi labafisa kukhulisa kusebenta kwabo bangafaka ticelo tetelekelelo kepha samba selinani letelekelelo te-LRAD talofake sicelo, ngamunye akukamele tendlule ku-R100 000. Lenye imali yekucala nobe kukhulisa umklamo wekulima/kufuya ifanele itfolwe ebhange.
Selekelelo se-LRAD asidzingi kubuyiselwa emuva njengemalimboleko. Kusetjentiswa indlela letsite kute kubonwe kutsi umuntfu amunye utawutfola malini. Kute utfole selekelelo sa-R20 000, kumele ufake sandla sa-R5 000. Kufakwa kwesandla akudzingi kutsi kube yimali lengukheshi – kungaba ngesimo setintfo tekulima/kufuya, imfuyo kanye nalenye imphahla yekulima/fuya. Basebenti lobasebentisako ekulimeni/fuyeni nabo babalwa njengalokufakiwe.
Tinyatselo lekumele tilandzelwe
- Tfola lomhlaba lofuna kuwutsenga. Nobe-ke, kungenteka kutsi sewuvele unako kufinyelela emhlabeni, njengemhlaba wemphakatsi.
- Yani kuLitiko letemhlaba nobe sisebenti seluphiko lwakho lwetekulima/fuya lwetendzawo, kufaka sicelo seselekelelo.
- Ngenisa sicelo sakho kanye naloku lokulandzelako:
-
- siphakamiso sekusebentisa umhlaba nobe lisu lekulima/fuya (siphakamiso semklamo)
- kukhetsa kutsengisa ngentsengo lekuvunyelwene ngayo, nangabe urenta ngenhloso yekutsenga
- luhla lwemalunga elikhaya nobe emalunga elicembu, nangabe lesiphakamiso selicembu
- siciniseko sekutsi itayiteli yalomhlaba ihlobile, ikhululekile kumbango wemhlaba, ibhaliswe egameni lemtsengisi nekutsi futsi intsengo lekukhulunyiswene ngayo ayikho ngetulu kwentsengo yasemakethe lebekiwe
- bufakazi bekutsi kukhokhelwa kwemali lesilele kutawentiwa ( timali takho nobe ikontileka yemalimboleko yelicembu)
- umbiko wekuhlolwa.
Emazinga ekusebenta nesikhatsi
Lolusito lutawutsatsa sikhatsi lesincane lesitinyanga letine kepha nangabe imiklamo inetihibe kungatsatsa sikhatsi lesidze.
Imali lencane lengu-R20 000 ingadzinga imali lencane lefakwa nguwe (imali lengukheshi kufakwe ngaletinye tindlela) kheshi longu-R5 000. Imali lenkhulu lengu-R100 000 itawudzinga kufakwa nguwe lengu-R400 000. Emkhatsini wemali lenkhulu nalencane, kunemali yetelekelelo, ngekuya kwalokufakwe ngulobandzakanyekako.
Utawunikwa lifomu kutsi uligcwalise ehhovisi lesifundza leLitiko leTemhlaba nobe ehhovisi lweluphiko lwetekulima/fuya.
