Ulutfola njani lwatiso lapho Kubhaliswa khona Ematayitela

Lihhovisi leMatayitela linesibopho sekubhalisa, kulawula nekugcina esimeni lesifanele irejista yemphahla/takhiwo yaseNingizimu Afrika. Libuye futsi ligcine emakhophi etivumelwano tangembi kwemshado (i-ANC).

Ungatfola lwatiso ehhovisi lematayitela mayelana naloku lokulandzelako:

  • Umnikati wemphahla nome sakhiwo lobhalisiwe.
  • Timo letitsintsa imphahla nome sakhiwo lesinjalo.
  • Imiyalo yekuvimbela nemakontileka laphatselene naleyomphahla nome sakhiwo.
  • Linani lentsengo lekutsenga leyomphahla nome sakhiwo.
  • imitsetfo yesikimu yekuba ngumnikati wencenye yesakhiwo.
  • ikhophi ye-ANC, ematayitela emphahla nome sakhiwo le/lesingahambi umuntfu lanawo emphahleni yalomunye, sikweleti sesakhiwo, njll.
  • ikhophi yeluhlakamdvwebo wesakhiwo yebuniyo bencenye yesakhiwo nome imitsetfo yekuba Ngumninincenye Yesakhiwo.

Ngembi kwekutsi utfole lwatiso, ufanele ube naloku ngalokuhlelekile:

  • Emagama laphelele kanye/nome inombolo yamatisi yemnikati wesakhiwo, nome lokungenani lusuku lwakhe lwekutalwa. (Esimeni semuntfu loneligunya, ligama nenombolo yekubhalisa, nangabe ikhona, nangabe kunesidzingo).
  • Inombolo yesitandi neligama lelilokishi nome lelipulasi, hhayi likheli lesitaladi. (Esimeni sesikimu sekuba ngumnini wencenye yesakhiwo, kudzingeka ligama lencenye nelesikimu).

Kute utfole ikhophi yelitayitela nome idokhumenti lapho kubhaliswa khona ematayitela, ufanele:

  • uye ehhovisi lematayitela (lababukene nekubhalisa ematayitela angeke bamane batsatse tinyatselo ngekuya kwencwadzi labayitfolile noma lucingo).
  • uhambe uye ehhovisi leliniketa lwatiso lapho khona sisebenti setemtsetfo sitakusita kutsi ugcwalise lifomu lelincunyiwe bese sikuchazela ngenchubo.
  • ucele kufunwe sakhiwo, bese
  • ukhokhele linani lemali lelincunyiwe ehhovisi lalabemukela imali. Inombolo yakho yerisidi itawufakwa kukhophi yakho yelitayitela.

Lwatiso lungabuye futsi lutfolakale ngekwe-elekhthronikhi kuWebhusayithi yema-Deeds.

Kute utfole lwatiso lolubanti mayela nekubhaliswa kwematayitela shayela ku:

0800 007 095 nome vakashela lihhovisi Lematayitela. lelidvutane.

 

Share this page