Emagama etindzawo ngemagama etintfo letisemhlabeni letiyimvelo noma letakhiwe bantfu naletentiwe tafaneleka. Idathabhesi ye-SAGNC ifaka ekhatsi titaladi, takhiwo tamasipala, tikwele, emapaki ekungcebeleka endzawo kanye nemangcwaba, kanye netakhiwo tebantfu bangasese, emadolobha, tindzawo tekuhlala letisemadolobheni, tindzawo tekuhlaliswa kwebantfu, emaposihhovisi, titeshi taloliwe, tikhumulo tetindizamshini, tikhumulo temikhumbi nemigwaco lemikhulu yemmango, kanye naletinye tintfo tendzawo njengetintsaba, imifudlana, imifula, ematheku, tihlenge, tihlambo kanye nemapaki ekungcebeleka avelonkhe. Nangabe ufuna kuntjintjwe ligama lendzawo, faka sicelo ku-SAGNC lesedvute nawe nobe kumkhandlu wemagama etindzawo wesifundza.
Tfola lwati lolubanti mayelana nekufaka sicelo sekuntjintja emagama etindzawo kuDathabhesi ye-SAGNC nobe utsintse Litiko Letebuciko Nemasiko ku: 012 441 3255/3000.
