Sicelo semvumo yekuhlala yebasebenti

Iningizimu Afrika inconota bantfu labavela kulamanye emave labangakwati kufaka sandla ekukhuliseni umnotfo waseNingizimu Afrika.   

Ngembikwekutsi ufake sicelo semvume yekuba ngumhlali wanomphela, kufanele ucale ubonise kwekutsi yini leyenta kutsiwe awusiye umuntfu longafaneleki nobe longemukeleki.    

Wena kanye nemlingani wakho niyafaneleka kutfola imvume lecondzile yekuhlala unomphela nangabe senihlale eNingizimu Afrika ngemvume yenu yekusebenta lokungenani sikhatsi lesiminyaka lesihlanu.  Bantfu labanakekelwa bantfu labanebuve baseNingizimu Afrika nobe labanemvume yekuhlala unomphela nabo futsi bangafaka sicelo.

Timvume tekuba ngumhlali ngaletinye tizatfu letisebenta kubantfu labavela kulamanye emave nguleti:   

  • kuniketwe umsebenti wanomphela eNingizimu Afrika    
  • kuba nelwati kanye nemakhono lamahle langakavami    
  • kuba nenhloso yekwenta ibhizinisi eNingizimu Afrika   
  • kufaneleka njengebamkhoseli ngekuvumelana neSigaba 27 (c) seMtsetfo Webakhoseli  
  • kufaneleka njengebantfu lasebatsetse umhlalaphasi 
  • kutimela wena ngetimali nobe    
  • kuba sihlobo (sekutalwa nobe lesifakwe esiswini ngekwemtsetfo) semuntfu lonebuve baseNingizimu Afrika nobe semuntfu lonemvume yekuba ngumhlali wanomphela.   

Tfola kabanti ngendlelanchubo yekufaka sicelo sekuba ngumhlali wanomphela nobe tsintsana neLitiko Letasekhaya.    

 

Share this page