Kufa kwemuntfu kufanele kubikwe kunobe ngubaphi kulaba bantfu labalandzelako:
- etikhulwini letishiwo teLitiko Letasekhaya
- kumalungu eLuphiko Lwemisebenti Yemaphoyisa AseNingizimu Afrika, ikakhulu etindzaweni lokungekho kuto emahhhovisi eLitiko Letasekhaya
- kulincusa nobe somachinga, emahhovi elincusa laseNingizimu Afrika, uma kufa kwenteke ngaphandle kwelive
- kubangcwabi labamisiwe nalabacashelwa ngumtsetfo.
Kukhishwa Umbiko Wekufa ngemuva kwekubhaliswa kwekufa. Labantfu labanikwe ligunya bangase futsi bakhiphe imiyalo yekungcwaba. Akukho umngcwabo lokufute wentiwe kungakatfolakali imvume lengumyalo wekungcwaba.
Litiko Letasekhaya likhipha sitifiketi sekufa nangabe selitfole satiso sekufa.
Tfola kabanti ngekutfola sitifiketi sekufa nobe tsintsana neLitiko Letasekhaya.
