Kuvuselelwa kwelayisensi yekushayela

Ngesi kuvuselela ilayisensi yakho yekushayela

Kufanele uvuselele ilayisensi yakho yekushayela emaviki lamane isengakaphelelwa sikhatsi. Uma uyivuselela seyiphelelwe sikhatsi, kutofuneka kutsi wente sicelo selayisensi yekushayela yesikhashana, ukhokhe imali lengetulu usamele kukhishwe ilayisensi yakho yekushayela.

Naka: kuvuselela ilayisensi yakho yekushayela, awudzingi kutsi wente luhlolo lwekushayela; kodvwa kutodzingeka kutsi wente luhlolo lwemehlo netigcivito tetandla takho titotsatfwa. Noma ke ungaya kuyohlola emehlo akho kudokotela wemehlo bese uletsa lofomu laligcwalisile eSikhungwini semalayisensi ekushayela (Driving licence testing centre). Uma ngabe simo semehlo akho sesihlukile kunalesikhatsi ikhishwa kucala ilayisensi, imigomo lemisha itofakwa kulayisensi yakho yekushayela.

Yini lekumele uyente

• Hamba uye Esikhungwini semalayisensi ekushayela uphetse lolokulandzelako:
  • umatisi wakho (ID) nekhophi yawo, ilayisensi yekushayela lendzala noma ipasipoti lesebentako yaseSA
  • titfombe letine tematisi letimhlophe nalokumnyama.
  • imali lebekiwe yekwenta sicelo
• Gcwalisa lifomu DL1, Sicelo sekuvuselela likhadi lelayisensi yekushayela.
• Utowenta lihlolo lemehlo noma ungalenta kudokotela wemehlo lototikhetsela yena bese uletsa umphumela DLTC.

Sikhatsi semsebenti

Incwadzi yakho yekushayela itobe ilungile emavikini lamane kuya kulasitfupha.

Ngabe kubita malini

Tsintsana nelihhovisi lekukhishwa kwetimvume langakini kute utfole ngetindleko.

Emafomu lagcwaliswako

Sicelo sekuvuselela ilayisensi yekushayela, lifomu DL1. Lelifomu litfolakala kunoma ngabe ngusiphi sikhungu sekukhipha emalayisensi ekushayela noma ku eNatis.

Ngubani longamutsintsa