Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa
Ngekugucula ilayisensi yekushayela yaseveni langaphandle
Uma uniketwe busakhamuti baseNingizimu Afrika balomphela, udzinga kugucula ilayisensi yekushayela yaseveni langaphandle yakho ngekhatsi kwemnyaka munye wekutfola imvumo yebusakhamuti balomphela.
Uma wehluleka kugucula ilayisensi yakho ngekhatsi kwemnyaka munye, itawutsatfwa njengalengasebenti.
Ungaphindze futsi ugucule ilayisensi yekushayela yakho uyiyise kuyaseNingizimu Afrika uma unemvumo yebuncusa kodvwa imvumo yekuhlala kwalomphela.
Uma ilayisensi ingakabhalwa ngalunye kuletilwimi letisemtsetfweni taseNingizimu Afrika, kumele utfole incwadzi yekuhunyushwa kwelayisensi lephuma kumtimba lonebukhono.
Ilayisensi yekushayela yangaphandle yakho itawuguculwa uma ngabe:
- ilayisensi isebenta
- ihunyushelwe kulunye lwetilwimi taseNingizimu Afrika
- ilayisensi ipheleketelwa yincwadzi yekutsi ilicinisa lephuma ku-embasi lefanele kanye nesihumusho selayisensi uma ingakabhalwa ngalunye lwetilwimi letisemtsetfweni taseNingizimu Afrika
- ilayisensi inesitfombe kanye nesayini yakho.
Yini lekumele uyente
- Yani esikhungweni lesikuvivinyela kutfola ilayisensi yekushayela (i-DLTC) esifundzeni lapho watfola khona imvume yakho yekuhlala ulomphelo.
- Gcwalisa lifomu (i-DL1) Lekufaka sicelo sekuntjintja ilayisensi yekushayela lekunoma ngusiphi sikhungo sekuvivinyelwa ilayisensi yekushayela
- Gcwalisa lifomu (i-NCP) lesatiso sekuntjintja kwelikheli noma imininingwane yemuntfu noma inhlangano.
- Ufanele kutsi ungenise naku lokulandzelako:
- Matisi lowamukelekile lodzingwa ngumtsetfo waseNingizimu Afrika (sib. matisi (i-ID), i-ID yesikhashana, ipasipoti yaseNingizimu Afrika lesebentako, noma ipasipoti yakulelinye live lenemvume yekuhlala ulomphelo)
- Titfombe letine te-ID letite mbala
- Ilayisensi yekushayela yakulelinye live lonayo kwamanje
- Bufakazi bemvume yekuhlala eNingizimu Afrika ulomphelo
- Bufakazi bekutsi bewungesiye umhlali walomphelo waseNingizimu Afrika ngesikhatsi unikwa ilayisensi yekushayela yakulelinye live (sibonelo, ungakhipha ipasipoti, imvume yekuhlala ulomphelo noma i-visa)
- Incwadzi yesihumusho salelayisensi lesentiwe lihhovisi lelineligunya uma ngabe lelayisensi ayikabhalwa ngalolunye lwetilwimi taseNingizimu Afrika letisemtsetfweni.
- Siciniseko lesivela ehhovisi lelikhipha emalayisensi ekushayela sekutsi unelayisensi yekushayela lesebentako (lebhalwe emakhodi nemkhakha wemoto loyo muntfu lanemvume yekuyishayela) lengakacishwa noma lengakesulwa.
- Mayelana neMvume Yekushayela Yemave Emhlaba (i-IDP), ufanele kutsi ungenise lelayisensi yekushayela kulelihhovisi lelakhipha lemvume
- Bufakazi belikheli leliposi nelendzawo lohlala kuyo sib. i-akhawunti yakamasipala. Uma ngabe ibhili yamasipala ayikho egameni lakho, umnikati walebhili ufanele kutsi ente i-afidavithi lefakazela kutsi uhlala kulelikheli bese kutsi lebhili ifaselwa kule-afidavithi.
- Nangabe uhlala emkhukhwini, ufanele kutsi ute nencwadzi lenesitembu lesisemtsetfweni levela kulikhansela leliwadi lecinisekisa likheli lakho lekuposa nelendzawo lohlala kuyo
- Lesikhungo sekuvivinyela kutfola ilayisensi yekushayela sitakunika ilayisensi yekushayela uma ngabe siyenetiseka kutsi:
- ungumnikati welayisensi yekushayela yakulelinye live
- Utawehlukana nelayisensi noma imvume yakho yekushayela nawunikwa ilayisensi yaseNingizimu Afrika.
- Angeke uvivinyelwe ilayisensi yekushayela kepha utawuhlolwa kusebenta kahle kwemehlo akho khona lapho ngembi kwekutsi kuphetfwe lokuntjintja.
Sikhatsi semsebenti
Sikhatsi sekuntjintjwa kwelayisensi sehluka ngekwehlukana kwetikhungo tekuhlola ngenca yetinchubo tekucwaningwa tangekhatsi.
Ngabe kubita malini
Tsintsana nelihhovisi lekukhishwa kwetimvume langakini kute utfole ngetindleko.
Emafomu lagcwaliswako
DL1 (Sicelo sekuntjintja ilayisensi yekushayela) liyatfolaka kunobe ngusiphi sikhungo sekuhlolela ilayisensi yekushayela.
Ngubani longamutsintsa
Contact your local department of transport
