Sibonelelomali sekondla lophila ngekunakekelwa

Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa

 

 

Mayelana nesibonelelomali sekondla lophila ngekunakekelwa

Tfola sibonelelomali sekunakekela  umntfwana lokhubateke kakhulu futsi lodzinga kunakekelwa sikhatsi sonkhe futsi ngalokukhetsekile.

Lesibonelelomali sekondla lophila ngekunakekela  sisita bantfwana labakhubatekile kusukela ekutalweni kwabo badzimate babe neminyaka le-18 budzala.

Ungati kanjani kutsi uyafanekela?

Kufanele kutsi:

  • ube ngumtali, ngumondli/umakekeli losisekelo nome umtali welusiso lokhetfwe yinkantolo
  • ube sakhamuti saseNingizimu Afrika nome ngumhlali wesiphelane
  • ungaholi ngetulu kwe-R223 200 ngemnyaka nangabe awukashadi. Imiholo yenu naseyihlanganisiwe kufanele kutsi ingabi ngetulu kwe-R446 400 ngemnyaka nangabe nishadile.

Caphela: Lomkhawulo wemalingena awusebenti kubatali belusiso.

Lomntfwana kufanele kutsi:

  • abe ngaphasi kweminyaka le-18 budzala
  • abe ngulonganakekekwa siphelane esikhungweni sembuso
  • abe ngulokhubateke kakhulu nalodzinga kunakekelwa sikhatsi sonkhe futsi ngalokukhetsekile.

Nobabili nalomntfwana kufanele kutsi nihlale lapha eNingizimu Afrika.

Caphela: Sisebenti setemphilo sembuso kufanele kutsi simhlole kucala lomntfwana ngembikwekutsi lesibonelelomali sivunywe.

Utawutfola malini?

Utawutfola-R2 080 ngenyanga.

Utawukhokhelwa kanjani?

I-Ejensi yaseNingizimu Afrika Yesibonelelotimali Tetenhlalakahle (i-SASSA) itawukhokhela wena lesibonelelomali ngekusebentisa yinye yaletindlela letilandzelako:

  • ngekukunika kheshi endzaweni letsite yekuholela ngelusuku lolutsite
  • ngekudiphozitha ngekwe-elekthroniki ebhange lakho nome ku-akhawunti yase-Postbank (libhange lingakukhokhisa ngekukusita kuloko)
  • ngesikhungo lesisebenta kalawula leso sibonelelomali (sib. tinhlangano tetenhlalakahle).

Caphela: Nangabe awukhoni kutilandzela wena ngekwakho lemali, ungakhetsa umlawuli longakwentela loko losehhovisi laka-SASSA, nome unike lomunye emandla/ligunya  lekutsi akulandzele lesibonelelomali esikhundleni sakho.

Sibonelelomali semntfwana singabuketwa nini?

I-SASSA ingancuma kutsi lesibonelelomali sakho singabuketwa yini. Imalingena yakho loyishito ngesikhatsi ufaka lesicelo salesibonelelomali itawuba sisekelo sekutsatsa leso sincumo. Utakwatisa kusasele tinyanga letintsatfu ngelusuku lokutawukwentiwa ngalo lokubuketa nome lusuku lokutawufuneka ngalo sitifiketi lesisho kutsi usaphila (emadokhumenti lafakazela kutsi solo usaphila). Nangabe utfola imali yakho ebhange, ngekusebentisa sikhungo nome umlawuli, kudzingeka kutsi ugcwalise minyaka yonkhe sitifiketi lesisho kutsi usaphila lesitfolakala emahhovisi aka-SASSA.

Lesibonelomali semntfwana singamiswa nini?

Loku lokulandzelako kungaholela ekutseni sibonelomali simiswe:

  • nangabe timo tekuphila talomntfwana tigucuka
  • umphumela wekubuketa
  • nangabe wehluleka kukhombisa kubambisana ngesikhatsi kubuketwa lesibonelelomali salomntfwana
  • nangabe wenta inkhohlakalo nome ungammeli ngalokungiko lomntfwana
  • nangabe kwba neliphutsa ngesikhatsi kuvunywa lesibonelelomali salomntfwana

Ngabe lesibonelelomali sitawuphelelwa nini sikhatsi?

Lesibonelelomali sitawuphelelwa sikhatsi nangabe:

  •  umntfwana andlula emhlabeni
  • umntfwana amukelwa esikhungweni sembuso
  • nangabe umzuzi longumnakekeli walomntfwana angasitsatsi lesibonelelomali kute kube tinyanga letintsatfu tilandzelanako
  • nangabe lomntfwana angekho kulelive
  • nangabe lomntfwana asaneminyaka le-18.

Yini lekufanele kutsi ukwente

  1. Hamba uye emahhovisi le-Ejensi yaseNingizimu Afrika Yesibonelelomali Tetenhlalo (i-SASSA) lelisedvute nalapho uhlala khona ute uphetse loku lokulandzelako:
    • matisi wakho lonebhakhodi yemadijithi la-13 (i-ID) kanye nesitifiketi sekutalwa. Nangabe ute matisi nome sitifiketi sekutalwa:
      • Gcwalisa lifomu le-afidavithi laka-SASSA embikwaKhomishina Wekufungisa longasiso siphatsimandla saka-SASSA.
      • Letsa sitatimende lesifungelwe lesisayinwe ngumuntfu lowatiwako (njengelikhansela, umholi wendzabuko, sisebenti setenhlalakahle, umholi wetenkholo nome thishelanhloko) longafakazela ligama lakho kanye nemnyaka wakho webudzala.
      • Siphatsimandla saka-SASSA sitawutsatsa emavengevenge/sinyatseliso emino yakho bese sikundlulisela kuLitiko Letasekhaya kutsi ufake sicelo samatisi ngesikhatsi sicelo sakho sisasetjentwa. Nangabe awumtfoli matisi, sibonelelomali sakho sitawumiswa.
      • Bufakazi bekutsi usifakile sicelo samatisi kanye/nome sitifiketi sekutalwa kuLitiko Letasekhaya.
      • Matisi wesikhashana lowunikwe Litiko Letasekhaya (nangabe akhona).
      • Sitifiketi sekubhabhadiswa nangabe sikhona.
      • Likhadi lekuya emtfolamphilo nalikhona.
      • Umbiko wemphumela wesikolo nawukhona.
    • Umbiko wetemphilo/weluhlolo locinisekisa kukhubateka kwalomntfwana.
    • Bufakazi besimo sakho setemshado.
    • Siliphi sakho semholo, sitatimende sasebhange setinyanga letintsatfu letendlulile, nome tiliphi tekuhola impensheni, kanye nome ngabe ngubuphi bufakazi bemalingena. (Caphela: loku akusebenti kubatali belusiso lababakhoseliswa).
    • Nangabe:
      • Awusuye umtali walomntfwana, bufakazi bekutsi ungumtali longumondli losisekelo walomntfwana ngekusebentisa i-afidavithi yasemaphoyiseni, ngekusebentisa umbiko wesisebenti setenhlalakahle, i-afidavithi leyentiwe ngumtali lamtalako lomntfwana nome incwadzi lebuya kuthishelanhloko wesikolo lapho lomntfwana afundza khona
      • umtali lamtalako lomntfwana nalonguye kuphela umondli wakhe nemnakekeli, bufakazi bekutsi utamile kutsi utfole lolomunye umtali kutsi akhokhe imali yesondlo salomntfwana
      • awusebenti, bufakazi lobuvela eMshwalensini Wekungasebenti (i-UIF) nome incwadzi yekukwesula emsebentini lebuya kumcashi wakho waphambilini
      • umtali welusiso longumkhoseliswa , imvume lesho kutsi ungumkhoseliswa kanye namatisi webakhoseliswa
      • umtali welusiso, umyalo wenkantolo losho kutsi wena kufanele unakekele lomntfwana.
      • Ucelwa kutsi ucaphele: Nangabe sewukhulile kakhulu nome uyagula kutsi ungaya ehhovisi uyewufaka sicelo, lilunga lemndeni nome umngani angaya ayokwentela sicelo egameni lakho. Lowo muntfu kufanele kutsi aphatse incwadzi lebuya kuwe/nome kudokotela lesho kutsi ngeke wena ukhone kuta ehhovisi.
  2. I-SASSA itawubese-ke yendlulisela lomntfwana kusisebenti setemphilo sembuso kutsi simhlole ngembikwekutsi lesicelo sentiwe.
  3. Gcwalisa lifomu lesicelo embikwesisebenti saka-SASSA (caphela kutsi nguwe kuphela njengalofaka sicelo nome siphatsimandla saka-SASSA lesingagcwalisa lelo fomu).
  4. Utawunikwa siliphu. Sigcine njengebufakazi bekutsi ufake sicelo.

Kwentekani nangabe sicelo sakho asivunywa?

Nangabe sicelo sakho asivunywa, i-SASSA itakwatisa ngekukubhalela incwadzi ikuchazele kutsi kungani singakaphumeleli sicelo sakho.

Nangabe ungavumelani nalesincumo, ungafaka sicelosikhalo eNdvuneni Yetekutfutfukiswa Kwetenhlalakahle ehhovisi lavelonkhe leLitiko Letekutfutfukiswa Kwetenhlalakahle, uchaze kutsi kungani ungavumelani nalesincumo. Sicelosikhalo sakho kufanele kutsi usente kungakapheli tinsuku letinge-90 watisiwe kutsi sicelo sakho asikaphumeleli.

Kutsatsa sikhatsi lesingakanani

  • Kungatsatsa tinyanga letintsatfu kusebenta sicelo sakho.
  • Nangabe sibonelelomali sakho sivunyiwe, utawukhokhelwa ngelusuku lowafaka ngalo sicelo sakho.

Kubita malini

Kumahhala.

Emafomu lekumele kutsi agcwaliswe

Lifomu lekufaka lesicelo alitfolakali ku-inthanethi, kodvwa ungalitfola ehhovisi laka(SASSA) lelisedvute.

Ungatsintsa bani

I-Ejensi yaseNingizimu Afrika Yesibonelelomali Setenhlalakahle (i-SASSA)

SASSA Toll free: 0800 60 10 11
Email: GrantEnquiries@sassa.gov.za

 

Share this page