Kufanele kutsi ubhalise umntfwanakho lombelekile kungakapheli tinsuku letinge-30 abelekiwe. Kubelekwa kwalomntfwana kungabhaliswa ehhovisi leLitiko Letasekhaya ngumtali wakhe, ngumondli nome ngabe ngumuphi umuntfu lonakekela lomntfwana ngekwemtsetfo. Nangabe ungesheya kwetilwandle, kubelekwa kwalomntfwana kungabhaliswa ehhovisi lemancusa lelidvute nome emishini.
Kubhalisa kubelekwa kwemntfwana emva kwetinsuku letinge-30 kutsatseka njengekubhalisa losekwengcelwe sikhatsi futsi bese kuba naletinye tidzingo letengetwako.
Nangabe kubelekwa kwalomntfwana sekubhalisiwe, kukhishwa mahhala sitifiketi sekutalwa lesingakafinyetwa. Ungafaka sicelo sesitifiketi lesingakafinyetwa lesengetiwe, lapho-ke utawukhokhiswa imali. Sitifiketi sekutalwa lesingakafinyetwa sidzingeka nangabe utawuhamba nalomntfwana uphume kulelive.
Tfola kabanti kutsi ungenta njani mayelana nekubhalisa umntfwana lobelekiwe, nome utsintse Litiko Letasekhaya.
