Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa
Mayelana nekubhalisa inkhulisa (i-ECD)
Inkhulisa nome ikhreshi yindzawo lekunakekelwa kuyo bantfwana labangetulu kwalabasitfuba labasengakacali sikolwa incenye yelilanga nome busuku. Kufanele kutsi kube nesivumelwano emkhatsini wemnikati wenkhulisa nebatali nome umnakekeli wentfwana,
Nangabe unakekela bantfwana labangetulu kwalabasitfupha (labafika eminyakeni lesitfupha yebudzala) egameni lebatali nome banakekeli bebantfwana emini nome ebusuku, nome sikhashana, ungafaka sicelo sekubhalisa kulitiko letekutfutfukiswa kwetenhlalakahle lelidvutane nawe nome ehhovisi lamasipala.
Kute usungule nome uchube i-ECD, lenkhulisa ifanele kutsi:
- ibhaliswe kuhulumende wesifundza lapho lenkhulisa imise khona
- iphatfwe futsi igcinwe ngekuya kweTinkhombandlela Tetinkhulisa
- ihambisane naletidzingo tetinchubo nemazinga avelonkhe:
- indzawo lephephile yebantfwana
- kunakekelwa kahle kwebantfwana labagulako nome bantfwana labacalwa kugula
- indzawo leyenele nalengenisa umoya lohlobile
- emanti ekunatsa lahlantekile
- ihlanteke futsi ibe nemithoyi
- kugcinwa kahle kwato tonkhe tintfo letingaba yingoti kubantfwana
- kufinyelela tinsita letitfutsa inkhukuma nome tindlela letilingene tekutfutfwa kwenkhukhuma lephuma enkhulisa
- indzawo lehlantekile lapho kuphekelwa khona kudla kwebantfwana
- tindlela tekwehlukanisa bantfwana beminyaka yebudzala leyehlukene
- kuhlelwa kwetinyatselo letingatsatfwa ngetikhatsi tetimo letiphutfumako, kanye
- nekuhlelwa kwetinchubomgomo netindlelakwenta mayelana nekunakekelwa ngetemphilo kulenkhulisa.
Tinkhulisa letikhona kunakekela bantfwana labakhubatekile nome labanekugula lokutsatsa sikhatsi lesidze kwelapheka bafanele:
- kufinyelwa bantfwana baloluhlobo
- tinikete tisetjentiswa netidzingo talabantfwana
- kucecesha bantfu labacashwe kulenkhulisa.
Sikhungo lesinakekelako singafaneleka kusitwa ngetimali litiko nangabe sihambisana netinchubo nemazinga, futsi nangabe sisemmangweni lapho khona imindeni yeswele taba tekuniketa bantfwana babo umpheme, kudla, naletinye tidzingo letisisekelo temphilo.
Lokufanele kutsi ukwente
- Faka sicelo sekubhalisa nome kubhalisa lokunemibandzela kwesikhungo sekunakekela/inkhulisa (i-ECD) etiko letekutfutfukiswa kwetenhlalakahle lelidvute nawe nome lihhovisi lamasipala lapho khona utawunikwa Lifomu 11 kutsi uligcwalise.
- Sicelo sakho sifanele sibe nanaku lokulandzelako:
- imininingwane yakho (inombolo yamatisi, likheli kanye netinombolo telucingo)
- likheli leliposi nelendzawo lesikhungo sekunakekela
- linani lebantfwana labatawuba kulesikhungo
- ticu takho tetemfundvo, emakhono nesipiliyoni
- kuchazwa kwetinhlelo netinsita letinhloso nemigomo.
- Letsa loku lokulandzelako:
- luhlelo lwebhizinisi lolucuketse loku:
- tikhatsi tekusebenta tesikhungo sekunakekela
- luhlelo lwetimali
- luhlelo lwenkhulisa
- tisebenti
- inchubomgomo yekujezisa
- umtsetfosisekelo locuketse loku:
- ligama lesikhungo sekunakekela
- kwakheka, emandla nemisebenti yebaphatsi.
- ikhophi leyindzabukonchanti yesakhiwo lesivunyiwe
- luhlelo lwesimo lesiphutfumako
- sitifiketi semvume
- sitifiketi setemphilo lesivela kumasipala wendzawo.
- luhlelo lwebhizinisi lolucuketse loku:
- Kuvakasha kwekuhlola lokuchubekako esikhungweni sakho kutakwentiwa tikhulu teLitiko Letekutfutfukiswa Kwetenhlalakahle namasipala.
Kutsatsa sikhatsi lesingakanani
Kungatsatsa tinyanga letintsatfu kutsi sitifiketi sakho sisebente.
Kubita malini
Lensita yamahhala.
Emafomu lekufanele kutsi uwagcwaliswe
Lifomu 11 liyatfolakala kulitiko letekutfutfukiswa kwetenhlalakahle lelidvute nawe nome ehhovisi lamasipala.
Lofanele kutsintfwa
Luhlu lwetekutsintsana lwemahhovisi esifundza eLitiko Letekutfutfukiswa Kwetenhlalakahle.
