Kgopelo ya tshepetšo ye mpsha ya poso

Tlhalošo

Mohola wa tirelo ye ke go fa baagi sebaka sa go dira kgopelo ya tshepetšo ya tirelo ye mpsha ya poso yeo e bago molaong go tloga ka 1 Janaware go fihla ka 31 Desemere ngwaga wo mongwe le wo mongwe gome e lefelelwa pele ga Desemere.

Foromo ya kgopelo ya tirelo ye mpsha ya tshepetšo ya poso e swanetše e dirišwe go dikgopelo ka moka tše mpsha tša ditirelo tše di latelago:

mapokisana a poso (diaterese tša pele le tša bobedi)
mekotlana ya Poraebete.

Hlokomela: Diforomo tšeo di amogetšwego ka poso goba ka seelektroniki di ka se dumelelwe.

Ke fela beng bao ba ngwadišitšwego goba bahiri bao ba ngwadišitšwego ba madulo mafelong ao tirelo ya go sepetša mangwalo mo mebileng e sa kgonegego, mohlala, dipolasa, mafelo a temo, ditikologo tša selegae le tšeo di tšwelelago di na le tokay a lepokisana le tee la poso la mahala lefelong goba kantorong ya kgauswi ya poso go ya ka mellwane ya dikantoro tša poso le bohlatse bja bong goba mošomo bo swanetšwe bo romelwe.
Kantoro ya poso e na le tokay a go netefatša tshedimošo yeo e lego godimo ga kgopelo.
Mabaka a mangwe a tlaleletšo a hwetšagala Kantorong efe goba efe ya poso goba godimo ga wepsaete ya kantoro ya poso.

Tsela e latelwago

E ya go Kantoro ya kgauswi ya poso ka Afrika Borwa gomme o kgopele mothuši wa mo thelareng gore a go fe foromo ya kgopelo.
Tlatša foromo ya kgopelo.
Foromo ya kgopelo e hwetšagale gape go wepsaete.
Diforomo di swanetše di sepele le khopi ya pukwana ya boitsebišo goba tshedimošo efe goba efe ya boitsebišo ya go swana le pasporoto, laesense ya bootledi gomme di fiwe mothuši wa mo thelareng wa kantoro ya kgauswi ya poso.