Kgoro ya Dikamano le Tšhomišano ya Boditšhabatšhaba (DIRCO) e aba tirelo ya boingwadišo bja boithaopo go badudi ba Afrika Borwa bao ba etelago goba bao ba dulago dinageng tša ka ntle. Tirelo ye e abja ka ge go ka ba le tlhokego ya gore ba ikgokaganye le wena go go fa keletšo ya tšhoganetšo ka ga masetlapelo a tlhago goba ka ga dikgaruru tša ka nageng goba ka ga seemo sa tšhoganetšo ka lapeng.
Tshedimošo ye e romelwago ka foromo ya boingwadišo ya inthaneteng ya ROSA e ka šomišwa ke Kgoro go:
- ikgokaganya le badudi ba Afrika Borwa le ba malapa a bona mabakeng afe goba afe ao a kwagalago, go ya ka fao go ka bago maleba
- netefatša gore badudi ba Afrika Borwa dinageng tša ka ntle ba a šireletšega le go phela gabotse le maikemišetšo a go ba fa thušo.
Ingwadiše le ROSA inthaneteng. DIRCO e šomiša Llaga ye e Šireletšegilego ya Sokhete (SSL) le theknolotši ya fayawole go šireletša tshedimošo ya gago.
