Kgoro ya Dikamano le Tšhomišano ya Boditšhabatšhaba e aba ditirelo tša dintlo tša botseta go badudi ba Afrika Borwa bao ba šomago, ba dulago, ba etetšego le bao ba ithutago dinageng tša ka ntle.
Go eya ka tirelo ye o e nyakago, mokgwa wo o nepagetšego wa boitsebišo o ka kgopelwa. Ge ba o belaela le ge go kgonagala kgopelo ya tshedimošo ka mogala e ka boloka nako ka moragonyana. Ditirelo tša dintlo tša botseta ga di lefelwe ka ntle le ge go fiwa lebaka.
Ditirelo tše di ka akaretša thušo go maemo a tšhoganetšo, thušo ya semolao goba thušo ya go nyaka dingwalwa tša maeto tše di lahlegilego goba tše di utswitšwego.
Go hwetša thušo ge o le nageng ya ka ntle ikgokaganye le Moemedi wa Afrika Borwa wa kgauswi goba le Molaodimogolo: Ditirelo tša Dintlo tša Botseta ka Pretoria.
