Ditirelo tša bagolegwa ba Afrika Borwa

MaAfrika Borwa ao a golegilwego goba ao a rometšwego kgolegong dinageng tša ka ntle a ka kgopela ba taolo go ba dumelela go ikgokaganya le moemedi wa Afrika Borwa ka nageng yeo. Ka go le lengwe, motho yo mongwe a ka ikgokaganya le Moemedi wa Afrika Borwa ka nageng yeo goba a ikgokaganye le Molaodimogolo wa Ditirelo tša Dintlo tša Botseta wa Kgoro ya Dikamano le Tšhomišano ya Boditšhabatšhaba ka Pretoria legatong la bona.

Bahlankedi ba ditirelo tša Dintlo tša Botseta ba netefatša gore badudi ba Afrika Borwa bao ba golegilwego dinageng tša ka ntle ba swarwa bjalo ka batho ge ba le kgolegong. Ba tla etela modudi yo a golegilwego, ba mo fa tshedimošo ka tshepedišo ya molao ya ka nageng yeo le go ikgokaganya le ba lapa goba bagwera, ge ba ka kgopelwa ka go ngwala lengwalo.

Bala tše ntši ka ga thušo ye e fiwago maAfrika Borwa ao a golegilwego nageng ya ka ntle goba ikgokaganye le moemedi wa Afrika Borwa wa kgauswi goba le Molaodimogolo: Ditirelo tša Dintlo tša Botseta ka Pretoria.

 

Share this page