Kgopelo ya go ngwadiša seteišene sa go teko ya dinamelwa

Ka ga

Seo o swanetšego go se dira

Lebaka

E dira tshenyagelo ya bokae

Diforomo tšeo di swanetšwego go tlatšwa

Dintlha tša boikopanyo

Ka ga mabapi le go ngwadiša seteišene sa go lekola dikoloi

Seteišene sa go lekola dikoloi ke senthara ya go lekola boitekanelo bja dikoloi go ka šomišwa ditseleng tša bohle ka Afrika Borwa. Ge koloi e tšweletše ditekong, setifikeiti sa go lokela tsela se tla abiwa.

Go ngwadiša seteišene sa go lekola dikoloi, o swanetše go ngwala afitaviti goba kgopelo ya tumelelo o laetša mabaka a go ungwadiša gomme o e iše go MEC.

Afitaviti goba kgopelo ya tumelelo e šwanetše go ba le:

• Ditlabelo tša motho yo mongwe le yo mongwe goba maloko goba balaodi ba maleba bao maina a bona a tlogo ngwadišwa go seteišene seo ge eba kgopelo e ka amogelwa;
• Lefelo la maleba la seteišene sa diteko seo se ukangwago ;
• Maemo (grade) ao Seteišene sa diteko se tlogo šoma ka gona (Maemo a A seteišene sa diteko se tumeletšwe go hlahloba gammogo le go lekola dikoloi tša magoro ka moka ge e be di loketše tsela gomme Maemo B seteišene sa diteko se dumeletšwe go hlahloba le go lekola dikoloi tša magoro ka moka ka ntle le dipese, dipesana goba dikoloi tša go feta boima bja 3500kg); gomme
• Dintlha ka moka malebana le go lekodišiša kgonagalo ya kgopelo ya mohuta wo e swanetše go lebišwa go tumelelo yeo e tla feleletšwago ke MEC le mongwa seteišene sa ditekolo bjalo ka ge go laeditšwe go šetulo 3 ya Molao wa Ditsela wa Bosetšhaba.

Morago ga ge e amogetšwe ,MEC o tla lekola kgopelo ya gago.

Ge kgopelo ya gago e amogetšwe , dilo tše di latelago di swanetše go fihlelelwa:

• Seteišene sag ago sa ditekolo se swanetše go latela dinyakwa tša seteišene sa ditekolo bjalo ka ge e laeditšwe ka go šetulo 4 ya Molao wa 93 wa 1996 wa Ditsela tša Bosetšhaba.
• Bokgoni bja go lekola le go hlahloba dikoloi go ya ka “ Go lekola le go hlahloba dikoloi” bjalo ka ge e bontšhitšwe ka go SANS 10047

Go hlahloba le go lekola dikoloi seteišeneng sa diteko bjalo ka ge go nyakwa ka go molao wa tšhomišo wa SABS 047 "Go lekola dikoloi go lokela tsela”.

Seo o swanetšego go se dira

1. Eya go ofisi ya gago ya profentshe ya taolo.
2. Tlatša foromo ya kgopelo ya TS1.
3. Iša tše di latelago:
   • Tokomane ya setatamente
   • Ditlabakelo tša  maloko goba balaodi
   • Lefelo la moo seteišene se tlogo go ba gona
   • Maemo (grade) a seteišene
   • Pukwana  ya gago ya boitsebišo (ID).
4. Lefela tefo yeo e beilwego.

Ela hloko: O ka kgopelwa go romela ditokomane ge di nyakwa ke MEC.

Lebaka

Go ka tšea dikgwedi tše tshela go feleletša kgopelo ya gago.

E dira tshenyagelo ya bokae

Ikgolaganye le ofisi ya dilaesentshe ya kgauswi le wena go hwetša ditefelo.

Diforomo tšeo di swanetšwego go tlatšwa

Dikgopelo le ditsebišo tša go amana le boingwadišo bjalo ka seteišene sa diteko, TS1 (Application and notice in respect of registration as testing station, TS1)

Dintlha tša boikopanyo