Kgopelo ya go ingwadiša bjalo ka mohlahli wa bootledi

Mabapi le go dira kgopelo ya go ingwadiša bjalo ka mohlahli wa baithutelabootledi

Gore o kgone go tsebega semmušo bjalo ka motho yo a hlahlago batho bao ba ithutelago go otlela, o swanetše go ingwadiša le Kgoro ya Dinamelwa. Motho yo a nyakago go ba mohlahli wa baithutelabootledi o tlo šoma fela ka mohuta wa dikoloi tšeo a filwego laesense ya gore a hlahle batho ka tšona.

Hlokomela: O tlo hlahlela baithuti fela legoro la koloi yeo o filwego laesense ya lona. Setifikeiti sa mohlahli se šoma lebaka la ngwaga fela.

Seo o swanetšego go se dira

1. Eya senthareng efe le efe ya go dira diteko tša go otlela o swere fomo ya setifikeiti sa gago sa ngaka (MC) gore o dire kgopelo ya letšatši le o tlogo lekwa ka lona.
2. Tlatša fomo ya Kgopelo ya go ingwadiša bjalo ka mohlahli wa baithutelabootledi (RI). 
3. Eya le setifikeiti sa gago sa maphelo. O tlo romelwa seteišeneng sa maphodisa gore o hwetše pego ya melato ya gago.
4. O tlo ngwala ka letšatši le o le filwego gore o ngwale tlhahlo ka lona. Ge o tšweletše, o tlo lefa tšhelete ye e beilwego.
5. Lefelo le go dira diteko tša go otlela le tlo romela kgopelo ya gago go MEC gore kgopelo yeo e dumellwe goba e ganetšwe. Ge kgopelo e dumeletšwe, lefelo la go dira diteko tša go otlela le tlo go fa phemiti.

Lebaka

Phemiti e ka no ba e lokile mo nakong ya dibeke tše tshela go ya go tše seswai.

E dira tshenyagelo ya bokae

Ikgokaganye le kantoro ya tikologo ya geno ya dilaesense go tseba ka ga ditefo.

Diforomo tšeo di swanetšwego go tlatšwa

• Fomo RI, Kgopelo ya go ingwadiša bjalo ka mohlahlobi wa Application for registration as driving instructor
• Fomo MC, Setifikeiti sa Maphelo

Difomo di hwetšagala mafelong a go dira diteko tša go otlela (mafelo a diteko).

Dintlha tša boikopanyo