Dira kgopelo ya thušo ya ditšhelete tša thuto go (NSFAS)

Naa o hloka thušo ya ditšhelete go ithuta ka sehlongweng sa thuto ya godingwana? Dira kgopelo ya pasari ya Setlamo sa Bosetšhaba sa Thušo ya Ditšhelete tša Baithuti (NSFAS)

NSFAS ke setlamo sa thušo ya ditšhelete tša thuto seo se thekgwago ka mašeleng ke Kgoro ya Thuto le Tlhahlo tša Godingwana go bao ba se nago le ditšhelete tša go lefela dithuto tša bona gomme ba palelwa ke go fihlelela thušo ya ditšhelete go tšwa pankeng, go tšwa dikadimong tša ditšhelete tša thuto goba go dithušo tša ditšhelete tša thuto.

Dira kgopelo inthaneteng. Dikgopelo di bulelwa nako ye nnyane mafelelong a ngwaga o mongwe le o mongwe. Ge o ka nyaka thušo, letšetša  nomoro ya go se lefelwe ya 08000 67327 goba etela kantoro ya Setheo sa Bosetšhaba sa Tlhabollo ya Bafsa (NYDA) ya kgauswi le wena.

Hlokomela:

Thekgo ya ditšhelete go tšwa go NSFAS mo lebakeng leo le fetilego e be e le ka mokgwa wa dikadimo gomme e sa swanetše go lefelwa ge o hweditše mošomo ka morago ga ge o phethile dithuto tša gago. Ge o atlegile dithutong tša gago ka moka, 40% ya tšhelete ya thušo ya NSFAS ya ngwaga woo/karolongwaga yeo e be e fetošetšwa go ba pasari. Se se ra gore o tla lefa fela 60% ya kadimo ge o thoma go šoma.

Go hwetša tshedimošo ka botlalo ikgokaganye le: Setlamo sa Bosetšhaba sa Thušo ya Ditšhelete tša Baithuti.

 

Share this page