Ngwadiša patente le Komišene ya Dikhamphani le Ditheo tša Boikgopolelo le Boitlhamelo (CIPC) go thibela gore batho ba bangwe ba se ke ba dira, ba diriša, ba phethagatša, ba lahla goba ba rekiša tlhamo ya gago ntle le tumelelo ya gago.
Patente ke tokelo ya go ikgetha yeo e fiwago motlhami wa selo. Tlhamo e bjalo e swanetše go ba setšweletšwa goba tsamaišo yeo e fago tsela ye mpsha ya go dira se sengwe, goba yeo e fago tharollo ye mpsha ya sethekniki go mararankodi. Tšhireletšo ya Patente e ra gore motho yo mongwe a ka se ke a re ka tsela ya kgwebo a dira, a diriša, a phatlalatša goba a rekiša seo o se tlhamilego ntle le tumelelo ya gago lebaka la mengwaga ye 20.
Hwetša dintlha ka botlalo mabapi le dipatente go tšwa go Komišene ya Dikhamphani le Ditheo tša Boikgopolelo le Boitlhamelo (CIPC) goba o leletše CIPC mo go 086 100 2472.
