Tokelo ya ngwalollo e šireletšegile ka tlhago ge o dira mošomo wa setlogo wo batho ba ka o bonago goba ba o kwa bjalo ka puku, seswantšho sa go pentwa goba mmino. Mešomo ye mentši yeo e nago le maswanedi a go ba le tšhireletšo ya tokelo ya ngwalollo ga e nyake go ngwadišwa goba tsamaišo ye nngwe ya semmušo ka ntle ga diswantšho tša difilimi.
O ka itirela tokelo ya gago ya ngwalollo ka go ngwala mantšu a “copyright” goba “copyright reserved” goba wa šomiša leswao la tokelo ya ngwalollo leo le amogelegago maemong a boditšhabatšhaba le latelwa ke leina la gago le ngwaga, mohlala. © Baloyi 2011 godimo ga mošomo wa gago wa setlogo.
Le ge go le bjalo, ge e le gore o nyaka go dira tokelo ya ngwalollo godimo ga filimi, DVD, Video, o swanetše go dira kgopelo go Mongwadiši wa Tokelo ya ngwalollo godimo ga diforomo. tšeo di hlathilwego.
Hwetša dintlha ka botlalo mabapi le tokelo ya ngwalollo go tšwa go Komišene ya Dikhamphani le Ditheo tša Boikgopolelo le Boitlhamelo (CIPC) goba o leletše CIPC mo go 086 100 2472.
