Thekontle ya ditlhapi mabakeng a kgwebo

Ka ga Malebana le go reka hlapi nageng ya ka ntle go dira kgwebo

Go reka hlapi nageng ya ka ntle, go swana le hlapi ya marine, bakeng sa go dira poelo o swanetše go dira kgopelo ya phomete go tšwa go Kgoro ya Temo, Dikgwa, Boreahlapi

Go na le mapheko a a latelago thekong ya ka dinageng tša ka ntle:

• Abalone le mehuta ye mengwe ya lobstara ya maswika di ka se rekwe dinageng tša ka ntle.
• O ka reka fela letlapakgerere la go kgahla ka botlalo (goba diripa) ka nageng ya ka ntle ya boima bja 600 goba go feta ka le tee gomme ditone tša ka fase ga 25 di ka rekwa nageng ya ka ntle ka ngwaga.
• O ka se reke letlapakgerere la go phela ka nageng ya ka ntle.

Ela hloko: phomete ya go reka nageng ya ka ntle ga e akaretše hlapi ya ka meetseng a go hlweka.

Go palelwa ke go latela dipeelano tša phomete go ka dira gore tumelelo e fegwe goba e phumulwe.

Seo o swanetšego go se dira

1. Hwetša Foromo ya Kgopelo ya go reka nageng ya ka ntle kua Lekaleng la Taolo Boreahlapi la Kgoro ya Temo, Dikgwa le Boreahlapi ka lebatong la ka fase, Moago wa Foretrust, Mokgotha wa Martin Hammerschlag, Foreshore, Cape Town .
2. Bala foromo ya kgopelo ka hlokomelo gomme o netefatše gore o kgotsofatša dinyakwa le dipeelano.
3. Tlatša foromo ka go fa tshedimošo ye e latelago:
   • aterese ya bodulo ya barekiši ba nageng ya ka ntle
   • maina a tlwaelo le a saense a mehuta ya hlapi
   • palo ya mehuta hlapi ye o nyakago go e reka nageng ya ka ntle.
4. Kgorametša tše di latelago go diforomo tša kgopelo:
   • Khopi ye e kgonthišišitšwego ya tokomane ya gago ya boitsebišo le/goba ditokomane tša khamphani ya gago ya ngwadišo, le kgwebopotlana goba trasete
   • dikhopi tše di kgonthišišitšwego tša phomete ya mmakgonthe ya go reka nageng ya ka ntle go Kgoro ya Kgwebo le Intasteri goba ditsebišo ya phomete ya Khomišene ya Tshepedišo ya Kgwebišano ya Boditšhabatšhaba
   • setifikeiti sa bohlweki bja lekgetho sa mmakgonthe go tšwa go Tirelo ya Motšhelo ya Afrika Borwa.
5. Lefa tšhelete ye o e beetšwego ka akhaonteng ye e latelago:
   Panka: First National Bank
   Nomoro ya akhaonte: 62123256382
   Mohuta wa akhaonte: Current
   Leina la akhaonte: Marine Living Resources Fund
   Leina la lekala: Corporate Account Service Cape Town
   Khouto ya lekala: 204109
   Go hwetša referentshe leletša senthara ya tirelo ya badiriši go 021 402 3911.

Romela foromo ya gago ya kgopelo go Kgoro ya Temo, Dikgwa le Boreahlapi , Mokotla wa Poso X2, Roggebaai, Cape Town, 8012 goba e romele go go Lekala la Taolo ya Boreahlapi, lebatong la ka fase, Moagong wa Foretrust, Mokgotheng wa Martin Hammerschlag, Foreshore, Cape Town. O swanetše go romela goba go tliša  dikgopelo tša mmakgonthe; ge o sa dire bjalo o ka se fiwe phomete.

Lebaka

Go ka tšea matšatši a šupa a mošomo goba go feta, go ya ka kgopelo ya go dirwa ka tshwanelo.

E dira tshenyagelo ya bokae

Customer Service Centre

Diforomo tšeo di swanetšwego go tlatšwa

Hwetša foromo ya kgopelo ya phomete ya go reka nageng ya ka ntle kua Lekaleng la Taolo la Boreahlapi la Kgoro ya Temo, Dikgwa le Boreahlapi ka lebatong la ka fase, Moago wa Foretrust, Martin Mokgotha wa Hammerschlag, Foreshore, Cape Town (Customer Service Centre).

Dintlha tša boikopanyo