Go reka ntle goba go sutiša nama ya sekhušwa ya go tla ka senamelwa go Afrika Borwa

Ka ga
Seo o swanetšego go se dira
Lebaka
E dira tshenyagelo ya bokae
Diforomo tšeo di swanetšwego go tlatšwa
Dintlha tša boikopanyo

 

 

Ka ga go reka ntle goba go sutiša nama ya sekhušwa ya go tla ka senamelwa go Afrika Borwa  

Ge o nyaka go reka ntle ditšweletšwa tša nama ya go khušwa ( mohlala, tše di apeilwego, pelofaditšwego,omišitšwego) ka Repapliki ya Afrika Borwa, goba šutiša ditšweletšwa tšeo  ka senamelwa go dukologa Afrika Borwa, o swanetše go dira kgopelo gomme o fiwe tumelelo ya ngaka ya diphoofolo ya go reka ntle goba tumelelo ya go sepela ka senamelwa go tšwa go Molaodi wa Maphelo a Diphoofolo. O swanetše go hwetša tumelelo ye pele morwalo o tloga nageng ya go romela ka ntle.

Molaodi wa Maphelo a Diphoofolo wa Afrika Borwa  o tla ntšha fela ditumelelo tša go reka ntle kalafo ya diphoofolo le go sepela ka senamelwa tša nama ye mpsha (ye tala)  ya dinaga tšeo a di lekotšego gomme a di fa tumelelo ya ditirelo tša ngaka ya diphoofolo le maemo a maphelo a diphoofolo.

Go na le melao ya go fapana ya go reka ntle  go ya ka ditšweletšwa le maemo a maphelo a diphoofolo mo dinageng tša go fapana. Bjalo ka dinyakwa tša maphelo di fetoga gantši, ka kgopelo kgokagana le Lefapa la Maphelo a Diphoofolo.

Go dira kgopelo ya ditumelelo tša go reka ntle nama goba ditšweletšwa tšeo di rekwago ntle go tlo rekišwa o swanetše go tšwa dikhamphaning tše di leo ka Afrika Borwa tšeo di thwetšwego ke khamphani ya boditšhabatšhaba. Ditumelelo tša go reka ntle tša ngaka ya diphoofolo ke tša nakwana le tša morwalo o tee fela. Go reka ntle ka dinaga tša boraro ka kakaretšo ga se tša dumelelo. Go reka ntle ka dinaga tša boraro ka kakaretšo ga se tša dumelelo.

Le ka ditšweletšwa tša nama tšeo di lego ka ditšhelong tšeo di tswaletšwego o swanetše o hwetše tumelelo go tšwa go Biro ya Afrika Borwa ya Ditekanetšo.

Seo o swanetšego go se dira

  • Tlatša fomo ya kgopelo ya go reka ntle diphoofolo goba ditšwweletšwa tša diphoofolo ka Afrika Borwa.
  • Ge ditšweletšwa di etla ka senamelwa go dikologa Repapliki ya Afrika Borwa, o swanetše go tliša kopi ya tumelelo ya go reka ntle kalafo ya diphoofolo go tšwa nageng yeo e fihlilego go yona la mafelelo le kgopelo ya tumelelo ya go reka ntle kalafo ya diphoofolo ka senamelwa ya Afrika Borwa.
  • Lokela tefo ya tumelelo ka pankeng ya Kgoro:
    Leina la panka: Panka ya Standard ya Afrika Borwa
    Leina la mong wa akhaonte: Kgoro ya Temo ya Bosetšhaba
    Nomoro ya Akhaonte: 011219556 Sehlopha sa Boditšhaba
    Lekala: 010845
    Sehlopha sa IB 0001982 Khouto ya Senthara
    Khouto ya kakaretšo SBZA-ZAJ J
    Leina la lekala: Arcadia.
  • Tefo a ka dirwa gape diofising tša Kgoro ya Temo, Dithokgwa le Boreahlapi yeo e lego lenaneo la ditlhalošišo tša ka fase.
  • Boitsebišo e swanetše goba leina le sefane tša moromela ntle.
    Romela fomo yeo e tladitšwego le bohlatse bja tefo go:
    Molaodi: Maphelo a Diphoofolo
    Yuniti ya Go Reka le go Romela ntle
    Private Bag X138
    Pretoria
    0001
    Afrika Borwa.
  • Ga gona kgopelo yeo e tla lebelelwago ge go se na bohlatse bja tefelo. Bohlatse bja go lokela tšhelete bo swanetše go feksetšwa go: 012 329 8292 go tlhokomedišišo ya: Ina Labuschagne.
  • Ka kgopelo bolela mo fomo ya kgopelo ge e le gore tumelelo e tla tla e tšewa goba e romelwe go wena. 
  • Go latela kamogelo ya fomo ya kgopelo yeo e tlaitšwego le bohlatse bja tefo, Tumelelo ya Reka ntle Kalafo ya Diphoofolo e tla ntšhwa gomme ya romelwa thwii go wena.
  • O swanetše go hwetša setifikeiti sa maphelo sa ngaka ya diphoofolo go balaodi ba kalafo ya diphoofolo ya naga yeo o rekwago ntle pele setšweletšwa se ka tla ka sekepe. Setifikeiti se sa maphelo se swanetše go sepelelana le maemo ao a boletšwego ka tumelelong ya go reka ntle kalafo ya diphoofolo ya Afrika Borwa le Setifikeiti sa Maphelo sa Ngaka ya Diphoofolo go tšwa Ofising ya Ditumelelo.
  • O swanetše go iša tše di latelago go Mohlankedi wa Taolo wa Go reka Ntle Kalafo ya Diphoofolo wa Afrika Borwa mo matsenong a boemakepe::
    • Tumelelo ya mathomo ya Ngaka ya Diphoofolo ya go Reka ntle.
    • Setifikeiti sa Maphelo sa mathomo sa Ngaka ya Diphoofolo sa go reka ntle.

Merwalo ka moka ya nama e swanetše go hlahlobja go le tee la mafelo a a go hlahlobja ao a boletšwego tumelelong ya go reka ntle:

  • Durban - Mogala. 031 337 4346/7
  • Cape Town - Mogala. 021 551 2050
  • City Deep (go dinaga tša kgauswi fela): Mogala:011- 613 1636 
  • Maikarabelo a ditefelo tša panka ya gago le a ditefelo tša panka ya mafase a ka ntle ke a gago, kgoro e ka se ntšhe tumelelo ge tefelo ka moka ya ZAR120 e sa ya amogelwa. ( E mpshafatšwa ngwaga ka ngwaga gomme ya gatišwa Kuranteng ya Mmušo)

Lebaka

Ge kgoro ya Bosetšhaba diofising e dumeletše go reka ntle, go tšea matšatši a mošomo a mararo go ya go a mahlano go lebelelana le kgopelo gomme ya ntšha tumelelo ya go reka ntle kalafo ya diphoofolo.

E dira tshenyagelo ya bokae

R220

Diforomo tšeo di swanetšwego go tlatšwa

Application to Import Animals or Animal Products Into South Africa

Dintlha tša boikopanyo

 

Share this page