Ka ga
Seo o swanetšego go se dira
Lebaka
E dira tshenyagelo ya bokae
Diforomo tšeo di swanetšwego go tlatšwa
Dintlha tša boikopanyo
Mabapi le phemiti ya go tliša dithoto ka mo nageng
Ge o rulaganya go tliša dithoto ka mo nageng, o swanetše go thoma ka go ingwadiša le South African Revenue Service (SARS) bjalo ka motho/khamphani ye e tlišago dithoto ka mo nageng o be o dire kgopelo go International Trade Administration Commission of South Africa (ITAC) ya phemiti ya go tliša dithoto ka mo nageng.
Phemiti ya go tliša dithoto ka mo nageng e kgonthiša gore dithoto tše o tlogo di tliša ka mono nageng di sepelelana le maemo a polokego, khwalithi, le dinyakwa tša melawana ya tikologo tša Afrika Borwa. Gape di swanetše go sepelelana le ditumellano tša boditšhabatšhaba.
Gape phemiti yeo e thuša go laola go tlišwa ga dithoto tše bohlokwa mmogo le tšeo di ka bego di utswitšwe.
Pholisi ya go laola go tlišwa ga dithoto ka mo nageng e fapana go ya ka lekala la kgwebo. Bontši bja dithoto tše mpsha gab o laolwa ke pholisi ye. Le ge go le bjalo, dithoto ka moka tše šomišitšwego, mašaledi a dithoto tše dirišitšwego di laolwa ke melawana ya go tlišwa ga dithoto ka mo nageng.
Seo o swanetšego go se dira
- Eya go SARS gore o ingwadiše bjalo ka motho yo a tlišago dithoto ka mo nageng.
- Eya go ITAC goba hwetša fomo mo inthaneteng
- Tlatša difomo tšeo.
- Romela difomo tšeo go Kgorwana ya Import and Export Control ya ITAC.
Hlokomela:
- ITAC e ka go romela lenaneo la dithoto tše di laolwago ke melawana ya go tlišwa ga dithoto ka mono nageng ge o ka ba romela diatrese tša gago.
- Ge o nyaka tshedimošo malebana le pholisi ya go tlišwa ga dithoto ka mo nageng, o swanetše go fana ka tshedimošo malebana le dithoto tše o nyakago go di tliša ka mo nageng go ofisi ya ITAC, Import and Export Control.
Lebaka
Gantši diphemiti di fiwa mo nakong ya matšatši a mahlano a mošomo.
E dira tshenyagelo ya bokae
Tirelo ye ga e lefelwe.
Diforomo tšeo di swanetšwego go tlatšwa
O swanetše go tlatša le go romela fomo ye e lebanego le wena fela:
- Application to register as an importer IE 230
- Application for personal import purposes IE 463
- Annexure to IE 463 application for importation of personal goods
- Application for commercial import purposes IE 461
- Application for importation of chemicals IE 464 and annexure to H 464
- Application for second hand or used passenger vehicle IE462 and importation of used motor vehicle letter.
Dintlha tša boikopanyo
ITAC national office - Import and Export Control
Tel: 0861 834 384, 012 394 3590, 012 394 3591
City/town: Pretora
Province: Gauteng
Physical address: International Trade Administration Commission, 77 Meintjies Street, Block D, Sunnyside, Pretoria, 0001
Postal address: Private Bag X753 Pretoria, 0001
Web address: http://www.itac.org.za