Kgopelo ya go reka ntle/sutiša nama ya go tla ka senamelwa go dikologa Repapliki ya Afrika Borwa

Diforomo tšeo di swanetšwego go tlatšwa

Ka ga go reka ntle/sutiša nama ya go tla ka senamelwa go dikologa Repapliki ya Afrika Borwa

Ge o nyaka go reka ntle/sutiša nama ya go tla ka senamelwa (ye mpsha ye tala) go akaretša le tša ka gare ka goba go dikologa Repapliki ya Afrika Borwa, goba šutiša nama yeo ka senamelwa go dukologa Afrika Borwa, molao o nyaka gore o dire kgopelo gomme o fiwe tumelelo ya ngaka ya diphoofolo ya go reka ntle goba tumelelo ya go sepela ka senamelwa go tšwa go Molaodi wa Maphelo a Diphoofolo. O swanetše go hwetša tumelelo ye pele morwalo o tloga nageng ya go romela ka ntle.

Molaodi wa Maphelo a Diphoofolo wa Afrika Borwa o tla ntšha fela ditumelelo tša go reka ntle kalafo ya diphoofolo le go sepela ka senamelwa tša nama ye mpsha (ye tala) ya dinaga tšeo a di lekotšego gomme a di fa tumelelo ya ditirelo tša ngaka ya diphoofolo le maemo a maphelo a diphoofolo. (Tshedimošo e gona mo go ElmarieV@daff.gov.za , Mogala. 012 319 7700 goba Fekse 012 329 6892).

Go na le melao ya go fapana ya go reka ntle go ya ka ditšweletšwa le maemo a maphelo a diphoofolo mo dinageng tša go fapana. Bjalo ka dinyakwa tša maphelo di fetoga gantši, ka kgopelo kgokagana le Lefapa la Maphelo a Diphoofolo (Mogala: 012 319 7420 /7524 /7700, Fekse 012 329 6892) go hwetša dinyakwa tša bjale. Ditumelelo tša go reka ntle tša ngaka ya diphoofolo ke tša nakwana le tša morwalo o tee fela.

Go reka ntle ka dinaga tša boraro ka kakaretšo ga se tša dumelelo.

Ke maikarabelo a gago bjalo ka moreka ntle go bala le go latela maemo a tumelelo ya go reka ntle ya ngaka ya diphoofolo.

Go ya ka Molao wa Tšhireletšo ya Nama wa 2000 (Molao wa 40 wa 2000) nama yeo e kgahlišitšwe le ya go baba di ka rekwa ntle fela bohlabelong, dimela tšeo di beakantšwego tša nama tšeo di ripilwego ke Mohlankedi-Mogolo wa Bosetšhaba wa Afrika Borwa.

Lenaneo la mafelo ao a dumeletšwego le ka hwetšwa mo goba leletša 012 319 7700 goba feksetša kgopelo go 012 329 6892.

Merwalo ya nama yeo e rekilwego ntle moše wa mawatle ka tsela ya lewatle o ka rekwa fela ntle ka ditšhelo tša ditšifadi. Ga go na merwalo ye megolo yeo e tla dumelelwago. Nama ye mpsha (tala) ge e kgahlišitšwe ka thempheretšha yeo e beilwego tumelelong ya go reka ntle ya ngaka ya diphoofolo.

Seo o swanetšego go se dira

Tlatša fomo ya kgopelo ya go reka ntle/sutiša nama ya go tla ka senamelwa ka/le go dikologa Repapliki ya Afrika Borwa.
Ge ditšweletšwa di etla ka senamelwa go dikologa Repapliki ya Afrika Borwa, o swanetše go tliša kopi ya tumelelo ya go reka ntle kalafo ya diphoofolo go tšwa nageng yeo e fihlilego go yona la mafelelo le kgopelo ya tumelelo ya go reka ntle kalafo ya diphoofolo ka senamelwa.
O swanetše go lefela tumelelo.
Lokela tefo ya tumelelo ka pankeng ya Kgoro:
Leina la panka: Panka ya Standard ya Afrika Borwa
Leina la mong wa akhaonte: Kgoro ya Temo ya Bosetšhaba
Nomoro ya Akhaonte: 011219556 Sehlopha sa Boditšhaba
Lekala: 010845
Sehlopha sa IB 0001982 Khouto ya Senthara
Khouto ya kakaretšo SBZA-ZAJ
Leina la lekala: Arcadia.
Moo e lego gore o dira kgopelo legatong la o mongwe, netefatša gore o lefa ka leina la motho woo goba leina la khamphani.
Boitsebišo e be leina le sefane sa moreka ntle.
Tefo a ka dirwa gape diofising tša Kgoro ya Temo, Dithokgwa le Boreahlapi yeo e lego lenaneo la ditlhalošišo tša ka fase.
Maikarabelo a ditefelo tša panka ya gago le a ditefelo tša panka ya mafase a ka ntle ke a gago, kgoro e ka se ntšhe tumelelo ge tefelo ka moka e sa ya amogelwa. ( E mpshafatšwa ngwaga ka ngwaga gomme ya gatišwa Kuranteng ya Mmušo).
Tšheke yeo e lefelwago go Molaodi-Mogolo: Kgoro ya Temo, Dithokgwa le Boreahlapi e ka kgomaretšwa fomong ya kgopelo gomme ya poswa.
Romela fomo yeo e tladitšwego le bohlatse bja tefo go:
Molaodi: Maphelo a Diphoofolo
Yuniti ya Go Reka le go Romela ntle
Private Bag X138
Pretoria
0001
Afrika Borwa.
Ga gona kgopelo yeo e tla lebelelwago ge go se na bohlatse bja tefelo. Bohlatse bja go lokela tšhelete bo swanetše go feksetšwa go: 012 329 8292 go tlhokomedišišo ya: Ina Labuschagne.
Ka kgopelo bolela mo fomo ya kgopelo ge e le gore tumelelo e tla tla e tšewa goba e romelwe go wena.
Go latela kamogelo ya fomo ya kgopelo yeo e tlaitšwego le bohlatse bja tefo, Tumelelo ya Reka ntle Kalafo ya Diphoofolo e tla ntšhwa gomme ya romelwa thwii go wena.
O swanetše go hwetša setifikeiti sa maphelo sa ngaka ya diphoofolo go balaodi ba kalafo ya diphoofolo ya naga yeo o rekwago ntle pele setšweletšwa se ka tla ka sekepe. Setifikeiti se sa maphelo se swanetše go sepelelana le maemo ao a boletšwego ka tumelelong ya go reka ntle kalafo ya diphoofolo ya Afrika Borwa le Setifikeiti sa Maphelo sa Ngaka ya Diphoofolo go tšwa Ofising ya Ditumelelo.
O swanetše go iša tše di latelago go Mohlankedi wa Taolo wa Go reka Ntle Kalafo ya Diphoofolo wa Afrika Borwa mo matsenong a boemakepe:
- Tumelelo ya mathomo ya Ngaka ya Diphoofolo ya go Reka ntle
- Setifikeiti sa Maphelo sa mathomo sa Ngaka ya Diphoofolo sa go reka ntle.
Merwalo ka moka ya nama e swanetše go hlahlobja go le tee la mafelo a a go hlahlobja ao a boletšwego tumelelong ya go reka ntle:
- Durban: Mogala: 031 337 4346/7
- Cape Town: Mogala: 021 551 2050
- City Deep (go dinaga tša kgauswi fela): Mogala:011 613 1636
- Port Elizabeth (thulaganyo ya pele): Mogala: 041 585 8907.

Lebaka

Ge kgoro ya Bosetšhaba diofising e dumeletše go reka ntle, go tšea matšatši a mošomo a mararo go ya go a mahlano go lebelelana le kgopelo gomme ya ntšha tumelelo ya go reka ntle kalafo ya diphoofolo.