Moento wa diphoofolo

Ka ga go dira kgopelo ya tumelelo ya go reka ntle moento wa diphoofolo 

O ka reka ntle fela, wa aba goba wa rekiša moento woo o šomišwago diphoofolong mo Afrika Borwa ge e ngwadišitšwe go ya Molao wa 1997 (Molao wa 36 wa 1947) wa Monontšha, Phepo ya Dipolase, Sehlare sa Temo le Sehlare sa Leruo.  

Ge o nyaka go reka ntle moento woo o ngwadišitšwego go šomišwa diphoofolong, o swanetše go hwetša gape tumelelo ya ngaka ya diphoofolo ya go reka ntle go tšwa Lefapeng la Maphelo a Diphoofolo. Tumelelo ye ke ya nakwana gape ya morwalo o tee fela. Go na le melao ya go reka ntle kalafo ya diphoofolo yeo e latelwago. Ka ge dinyakwa tša maphelo di fetoga gantši, ka kgopelo kgokagana le Lefapa la Maphelo a Diphoofolo (Mogala 012 319 7507/7684/7700/7673/7456, Fekse 012 329 6892, VetPermits@daff.gov.za) go hwetša dinyakwa tša bjale.

Ge o nyaka go reka ntle moento woo o sa ngwadišwago go o leka ka Afrika Borwa, o hloka ditumelelo tše pedi. Tumelelo ye nngwe e tšwa go Mmušakarolo wa Molao wa 36 wa 1947 gomme ye nngwe e tšwa Lefapeng la Maphelo a Diphoofolo. Kgopelo ya tumelelo go tšwa go Mmušakarolo wa Molao wa 36 wa 1947 e swanetše go tla le molao wa teko yeo e akantšwego.

Lefapa la Maphelo a Diphoofolo le ntšha tumelelo ge fela ba amogetše kopi ya tumelelo yeo e ntšhitšwego ke Mmušakarolo wa Molao wa 36 wa 1947. Moento woo o rekilwego ntle go lekwa o ka se rekišwe. Ka mabaka a tšhoganetšo moo bolwetši bo phulegilego gomme moento woo o ngwadišitšwego o se bego gona ka nageng, go ka hlokega go šomiša moenti woo o sa ngwadišwago.

Gomme wena bjalo ka moreka ntle w aka moso, o swanetše go dira kgopelo go Khansele ya Taolo ya Kalafo go hwetša tokollo ya Karolo ya 21 go ya Molao wa Kalafo le Taolo ya Dilo tšeo di amanagole yona (Molao wa 101 wa 1965, bjalo k age o mpshafaditšwe ke Molao wa 90 wa 1997). O hloka gape, go tšwa go Lefapa la Maphelo a Diphoofolo, tumelelo ya go reka ntle gore moento o tsene ka nageng. Ba ntšha tumelelo ye ya go reka ntle ge fela o hweditše tumelelo Khansele ya Taolo ya Kalafo gomme o išitše bohlatse go bona. Ka tsela ye, moento woo o sa ngwadišwago e o ka rekišwa nakwana go fihla ge ngwadišo e hweditšwe.

Seo o swanetšego go se dira

1. O swanetše go hwetša goba tumelelo go Mmušakarolo wa Molao wa 36 wa 1947, goba tokollo go ya ka Karolo 21 ya Molao  wa 101 wa 1965, go reka ntle moento wa diphoofolo.
2. Ge o amogela tumelelo ya go reka ntle go tšwa go Mmušakarolo wa Molao wa 36 wa 1947, goba tokollo go ya Karolo ya 21 ya Moalo wa 101 wa 1965, romela kopi ya yona le kgopelo ya gago ya tumelelo ya go reka ntle kalafo ya diphoofolo go Lefapa la Maphelo a Diphoofolo. 
3. Ge moento o  šetše o ngwadišitšwe go šomišwa ka Afrika Borwa go ya ka Molao wa 36 wa 1947, o hloka fela tumelelo e tee ya go reka ntle,, go tšwa go Lefapa la Maphelo a Diphoofolo. Romela kopi ya ngwadišo go ya ka Molao wa 36 wa 1947 le kgopelo ya gago. 
4. Tlatša fomo ya kgopelo Kgopelo ya tumelelo ya go reka ntle moento wa diphoofolo ka Repaploking ya Afrika Borwa. Kgokagana le Lefapa la Maphelo a Diphoofolo ge o se na nnete ya gore o tlatše fomo efe.  
5. Ngaka ya Diphoofolo ya Mmušo Lefapeng la Maphelo a Diphoofolo le tla kgokagana le wena  ge tshedimošo ye nngwe e nyakega gomme le tla dira kelo ya kotsi gore le dumelele kgopelo ya gago. 
6. Lokela tefo ya tumelelo ka pankeng ya Kgoro:
   Leina la panka: Panka ya Standard ya Afrika Borwa
   Leina la mong wa akhaonte: National Department of Agriculture
   Nomoro ya Akhaonte: 011219556 Sehlopha sa Boditšhaba
   Lekala: 010845
   Sehlopha sa IB 0001982 Khouto ya Senthara
   Khouto ya kakaretšo SBZA-ZAJ
   Leina la lekala: Arcadia
   Tsebišo ye bohlokwa: Boitsebišo e be leina le sefane sa moreka ntle. Moo e lego gore o dira kgopelo legatong la o mongwe, netefatša gore o lefa ka leina la motho woo goba leina la khamphani.
7. O ka lefa gape ka tšheke yeo e ka lefelwago go Molaodi-Mogolo: Kgoro ya Temo, Dithokgwa le Boreahlapi. 
8. Tefo a ka dirwa gape diofising tša Kgoro ya Temo, Dithokgwa le Boreahlapi. 
9. Maikarabelo a ditefelo tša panka ya gago le a ditefelo tša panka ya mafase a ka ntle ke a gago, kgoro e ka se ntšhe tumelelo ge tefelo ka moka  e sa  amogelwa. 
10. Romela fomo yeo e tladitšwego le bohlatse bja tefo go:
    Molaodi: Maphelo a Diphoofolo
    Yuniti ya Go Reka le go Romela ntle Import Export Policy Unit
    Private Bag X138
    Pretoria
    0001
    Afrika Borwa
    goba  Fekse go 012 329 8292 / VetPermits@daff.gov.za.
11. Ka kgopelo bolela mo fomo ya kgopelo ge e le gore tumelelo e tla tla e tšewa goba e romelwe g wena. 
12. Go latela kamogelo ya fomo ya kgopelo yeo e tlaitšwego le bohlatse bja tefo, Tumelelo ya Reka ntle Kalafo ya Diphoofolo e tla ntšhwa gomme ya romelwa thwii go wena.

Ela hloko: Ga gona kgopelo yeo e tla lebelelwago ge go se na bohlatse bja tefelo. Bohlatse bja go lokela tšhelete bo swanetše go feksetšwa go:  012 329 8292 / VetPermits@daff.gov.za

Lebaka

Ge kgoro ya Bosetšhaba diofising e dumeletše go reka ntle, go tšea matšatši a mošomo a mararo go ya go a mahlano go lebelelana le kgopelo gomme ya ntšha tumelelo ya go reka ntle kalafo ya diphoofolo.

E dira tshenyagelo ya bokae

Ditefišo tša 2023/24

Diforomo tšeo di swanetšwego go tlatšwa

Application for a permit to import vaccines into the Republic of South Africa

Dintlha tša boikopanyo