Lehu la motho le swanetše go begwa go yo mongwe wa batho bao ba latelago:
- bahlankedi ba itšego ba Kgoro ya Merero ya Selegae
- maloko a Maphodisa a Afrika Borwa, kudukudu mafelong ao e lego gore Kgoro ya Merero ya Selegae ga e na dikantoro
- sehlongwa sa Afrika Borwa se se šomago nageng ya ka ntle, tirelo ya tša botseta goba ntlo ya botseta, ge e le gore lehu le hlagile nageng ya ka ntle
- ba tirelo ya bahu bao ba thwetšwego le bao ba lego molaong.
Pego ya Lehu e tla fiwa ka morago ga ge lehu le ngwadišitšwe. Batho ba ba filwego mošomo wo le bona ba ka fa ditaelo tša poloko. Ga go poloko ye e swanetšego go dirwa ka ntle le ge go dumeletšwe ke taelo ya poloko.
Kgoro ya Merero ya Selegae e tla aba setifikeiti sa lehu ka morago ga ge e hweditše tsebišo ya lehu.
Hwetša dintlha ka botlalo mabapi le go hwetša setifikeiti sa lehu goba ikgokaganye le Kgoro ya Merero ya Selegae.
