Dithoto tša motho yo a hlokofetšego di thoma go ba gona ge motho a hlokofala gomme a tlogela dithoto tša gagwe le/goba tokomane yeo e lego wili goba e nepilwego go ba wili. Dithoto tša mohu di swanetše go begwa go Maseterata mo matšatšing a 14 ka morago ga letšatši la go hlokofala. Lehu le ka begwa ke motho yo mongwe le yo mongwe yo a nago le taolo goba a swere selo sefe le sefe seo e lego karolo ya dithoto tša mohu, goba yo a nago le taolo goba a swere tokomane yeo e lego ya mohu goba yeo e ka bago goba ya tšewa e le wili.
Hwetša dintlha ka botlalo mabapi le dithoto tša motho yo a hlokofetšego goba o leletše Kgoro ya Toka le Tlhabollo ya Molaotheo mo go 012 406 4805 goba o romele emeile go: Chiefmaster@justice.gov.za.
