Fetolela laesense ya gago ya go otlela ye o e hweditšego nageng ya ntle

Ka ga

Seo o swanetšego go se dira

Lebaka

E dira tshenyagelo ya bokae

Diforomo tšeo di swanetšwego go tlatšwa

Dintlha tša boikopanyo

Ka ga le go fetolela laesense ya gago ya go otlela ye o e hweditšego nageng ya ntle

Ge o filwe maemo a go ba modudi wa Afrika Borwa wa go ya go ile, o swanetše go fetolela laesense ya gago ya go otlela mo lebakeng la ngwaga morago ga go fiwa phemiti ya bodudi bja go ya go ile.

Ge o ka palelwa ke go fetolela laesense ya gagwe mo lebakeng la ngwaga, laesense yeo e tlo tšewa bjalo ka ye e sa hlwego e šoma.

O ka fetolela laesense ya gago gore e be ya Afrika Borwa ge e le gore o šomela ngwako wa botseta wa naga ya geno empa o se na le phemiti ya bodudi bja go ya go ile.

Ge e le gore laesense ya gago ga ya ngwalwa ka ye nngwe ya dipolelo tša Afrika Borwa, o swanetše go hwetša lengwalo le le e hlathollago.

Laesense ya gago ya go hwetšwa nageng ya ntle e tlo fetolelwa ge e le gore:

• laesense yeo e sa šoma
• e fetoletšwe go ye nngwe ya dipolelo tša Afrika Borwa tša semmušo
• laesense yeo e sepetšwa le lengwalo la bohlatse go tšwa ngwakong wa maleba wa botseta le phetolelo ge e le gore laesense yeo gay a ngwalwa ka ye nngwe ya dipolelo tša semmušo tša Afrika Borwa
• laesense yeo e na le seswantšho le mosaeno wa gago.

Seo o swanetšego go se dira

1. Eya lefelong la go dira diteko tša go otlela (DLTC) ka profenseng fao o hweditšego bodulo bja gago bja sa ruri gona.
2. Tlatša foromo ya kgopelo ya phetošetšo ya lengwalo la go otlela (DL1) ka lefelong lefe goba lefe la go dira diteko tša go otlela.
3. Tlatša foromo ya tsebišo ya phetošo ya aterese goba ya dintlha tša motho goba tša mokgatlo (NCP).
4. O swanetše go tliša dilo tše di latelago:
   • Boitšhupo bjo bo amogelegago ka ge go nyakwa ke melao ya Afrika Borwa (go fa mohlala, pukwana ya boitsebišo (ID), pukwana ya boitsebišo ya lebakanyana, phasepote ya Afrika Borwa ya maleba, goba phasepote ya naga ya ka ntle le lengwalo la tumelelo ya bodulo bja sa ruri)
   • Dinepe tše nne tša go swana tše tlwaelegilego tša bogolo bja dinepe tša pasa
   • Lengwalo la go otlela la naga ya ka ntle la bjale
   • Bohlatse bja bodulo bja sa ruri ka Repabliking ya Afrika Borwa
   • Bohlatse bja gore o be o se modudi wa Afrika Borwa wa sa ruri ka nako yeo lengwalo la go otlela la naga ya ka ntle le abja (go fa mohlala, o ka fa phasepote, lengwalo la tumelelo ya bodulo bja sa ruri goba visa)
   • Lengwalo la phetolelo ya lengwalo la go otlela ka bolaodi bjo bo dumeletšwego ge e le gore lengwalo leo la go otlela ga le ka ye nngwe ya dipolelo tša semmušo tša Afrika Borwa
   • Tiišetšo ye e tšwago go ba Taolo bao ba abago mangwalo a go otlela ye e bolelago gore o na le lengwalo la go otlela la maleba (leo le fago dikhoute le magoro a maleba a sefatanaga seo motho yoo a dumeletšwego go se otlela) leo le sego la phumolwa goba la fegwa
   • Sebakeng sa ge e le Lengwalo la Tumelelo ya go Otlela la Boditšhabatšhaba (IDP), o swanetše go tliša lengwalo la go otlela ka tumelelo yeo ka yona lengwalo leo le abilwego ka yona
   • Bohlatse bja aterese ya poso le ya madulo, go fa mohlala, lengwalo la akhaonte ya ditirelo. Ge e le gore lengwalo la tefišo ya ditirelo ga se la ngwalwa ka leina la gago, mong wa lengwalo leo o swanetše go dira abitabiti a tiišetše gore o dula lefelong leo gomme lengwalo la tefišo ya ditirelo leo le swanetše go kgomaretšwa go abitabiti.
   • Ge e le gore o dula lefelong la mekhukhung, o swanetše go tla le lengwalo leo le nago le setempe sa semmušo se se nago le letšatšikgwedi go tšwa go mokhanselara wa wate leo le tiišetšago aterese ya gago ya poso le ya madulo
5. DLTC le tla aba lengwalo la go otlela ge e le gore le kgotsofetše gore:

• O mong wa lengwalo la go otlela la naga ya ka ntle
• O tla tliša lengwalo la gago la go otlela la naga ya ka ntle goba lengwalo la tumelelo ya go otlela ge o hwetša lengwalo la gago la go otlela la Afrika Borwa.
• O ka se kgopelwe go dirwa diteko tša go otlela eupša o tla dirwa teko ya mahlo fao lefelong leo pele ga ge phetošetšo yeo e ka phethwa.

Lebaka

Tefo e fapana go ya ka gore ke senthareng efe moo kgopelo e dirwago go yona.

E dira tshenyagelo ya bokae

Ikgokaganye le kantoro ya tikologo ya geno ya dilaesense go tseba ka ga ditefo.

Diforomo tšeo di swanetšwego go tlatšwa

Fomo ya kgopelo ya laesense ya go otlela (DL1) e hwetšagala mo go senthara ya diteko tša dikoloi le mo eNatis.

Dintlha tša boikopanyo