Laesense ya tirelo ya kgašo ya modumo ya setšhaba

Tlhalošo
Tsela e latelwago
Nako ya tšweletšo ya mošomo
Tefelo
Diforomo tšeo di tlatšwago
Mafelo le diatrese  

 

 

Tlhalošo

Laesense ya Kgašo ya Setšhaba e direla dinyakwa tša kgašo tša setšhaba lebaka la maksimamo wa mengwaga ye mene. E ka mpshafatšwa, go tla ya ka gore o dira kgopelo ya mpshafatšo ya laesense e se go pele ga dikgwedi tše tshela gape e se go ka morago ga dikgwedi tše tharo pele ga letšatši la mafelelo la tirišo ya laesense yeo o nago le yona ga bjale. E ka mpshafatšwa fela ka tlase ga mabaka a gore laesense yeo e latetše mabaka ao a laeditšwego ke mmušo wa dilaesense. Laesense e fiwa ditšhaba tšeo di ihlamago bjalo ka khamphani ya Karolo 21, Trasete, mokgatlo wa boithaopo goba setho sefe goba sefe sa molao seo se sa šomelego tšhelete. Dinepo tša Laesense ya Kgašo ya Setšhaa ya mengwaga ye mene ke go fihlelela tše di latelago:

  • go hlatloša tokelo ya kgokagano le go ihlaloša ka tokologo
  • go dumelela phapano ka gare ga intasteri ya kgašo
  • go ama setšhaba ka go ba diriša bjalo ka batšweletši, balaodi le batheeletši ka tirišong ya kgokagano
  • go ba le lentšu la ditšhaba
  • go fana ka mananeo ao a bonagatšago dikgahlego tše itšego le dinyakwa tša setšhaba, tšeo di akaretšago dinyakwa tša setšo, polelo, sedumedi le temokrafi.

Laesense ya Kgašo ya Setšhaba ya mengwaga ye mene e ka fiwa ka tlase ga magoro a a latelago:

  • Tirelo ya kgašo ya modumo
  • Tirelo ya kgašo ya thelebišene.

Laesense e ba molaong mengwaga ye mene.

Kgoro ya Dikgokagano e thekga dilaesense tša mengwaga ye mene ka ditlabelo tša kgašo le tšweletšo, gomme go tla ya ka gore di fihlelela dinyakwa tša Kgoro naa.

Tsela e latelwago

ICASA e tla ntšha taletšo ya go dira kgopelo ya tirelo ya kgašo ya modumo ya setšhaba gomme ya aba diteišene go mafelo a go fapana. Bjalo ka mokgopedi wa laesense, o swanetše o dire tše di latelago:

  • Hlama sehlophatšhomo sa go rwala maikarabelo a tshepedišo ya kgopelo gomme se šome bjalo ka mokgopedi legatong la setšhaba.
  • Netefatša gore sehlophatšhomo se dira tše di latelago:
    • kgoboketša mesaeno go tšwa go setšhaba
    • ngwala thulaganyo ya kgwebo
    • sepediša dikgetho tša temokrasi tša maloko a Boto
    • laetša lefelo la studio le saete ya tshepedišo.
  • Kgopela foromo ya kgopelo ya tirelo ya kgašo le phatlalatšo ya temoši.
  • Tlatša foromo ya kgopelo ka kgatišo, o diriša ditlhaka tše kgolo.
  • Romela setlogo sa foromo ya kgopelo le dikhopi tše 16 tšeo di hlatsetšwego go ICASA le tefelo ya kgopelo.

Dikgopelo tšeo di se go tša tlatšwa ka botlalo di tla bušetšwa morago go mokgopedi gomme go ka se dumelelwe go hloka maikarabelo ao a hlakahlakantšhago dilo.

Nako ya tšweletšo ya mošomo

Go ka tšea dikgwedi tše 3 go iša go tše 4.

Tefelo

2023/24

Diforomo tšeo di tlatšwago

Foromo ya kgopelo e tla ba karolo ya dišetulu tša Mmušo.

Mafelo le diatrese

Icasa head office

Tel: 012 568 3000/3001
E-mail: info@icasa.org.za 

Physical address: 350 Witch-Hazel Ave, Eco-Park Estate, Centurion, 0144
Postal address: Private Bag X10, Highveld Park 0169

Regional offices

Share this page