Ngwadiša lefelo la tlhokomelo ya bana lebakanyana – Lefelotlhokomelo la Bana

Mabapi le go ngwadiša lefelo la go hlokomela bana lebakanyana – Lefelotlhokomelo la Bana

Ge e le gore o hlokomela bana ba go feta ba tshela (ba mengwaga ye 0-6) legatong la batswadi goba bahlokomedi ba bona mo dinakong tše itšego tša letšatši goba bošego, goba mo lebakeng la motšwaoswere, ka tumello ya batswadi goba bahlokomedi ba bana bao, o ka dira kgopelo ya go ngwadiša goba go ngwadišwa ga lebakanyana ga lefelo leo o hlokomelgao bana go lona – ofising ya kgauswi le wena ya Kgoro ya Tšwetšopele ya Setšhaba goba ofising ya Mmasepala.

Gore o kgone go šoma ka lefelo la go hlokomela bana ba bannyane, leo le tsebjago bjalo ka khreše, lefelo leo le swanetše go:

• ngwadišwa le mmušo wa profense yeo le lego go yona
• managed and maintained accordingly (Guidelines for Early Childhood Development Centres)
• sepelelana le maemo le ditlwaelo tše di latelago:
  • e be lefelo le bolokegilego la bana
  • go kgona go hlokomela bana ba lwalago goba ba ba ka lwalago ba le moo
  • go ba le bulegilego la go ba le moya wa go lekanela
  • go ba le meetse a a hlwekilego a go nwa
  • e be lefelo le hlwekilego la go ba le dintlwana tša boithomelo
  • go ba le lefelo la go bolokela dilo tše ka bago kotsi baneng
  • go ba le ditirelo tša go lahlela ditšhila tše hlolegago gona mo lefelong leo
  • go ba le lefelo le hlwekilego la go apeela dijo tša bana
  • go aroganya bana go ya ka mengwaga ya bona
  • go ba le maano a go diragatšwa nakong ya tšhoganetšo, le
  • go ba le dipholisi le mananeo a tlhokomelo ya mapehlo.

Lefelo la tlhokomelo ya lebakanyana ya bana ba ba sego ba itekanela mmeleng le swanetše go:

• fihlellwa gabono ke bana baon
• aba ditirelo tše di kgotsofatšago dinyakwa tša bana bao
• fa tlhahlo go batho ba ba šomelago lefelo lona leo

Lefelo la go hlokomela bana lebakanyana le ka fiwa thekgo ya mašeleng ke kgoro ge e le gore le kgotsofatša dinyakwa le maemo a a beilwego, gape le ge e le gore lefelo leo le mo setšhabeng seo se palelwago ke go aba ditirelo tša motheo bjalo ka Ngwako, dijo le tše dingwe go bana ba sona.

Seo o swanetšego go se dira

• Dira kgopelo ya go ngwadiša goba go ngwadiša lebakanyana lefelo la tlhokomelo ya bana ba bannyane ofising ya Kgoro ya Tšwetšopele ya Setšhaba goba ofising ya Mmasepala moo o tlogo fiwa Fomo 11 gore o e tlatše.
• Kgopelo ya gago e swanetše go bontšha:
  • tshedimošo ya gago (ID, atrese, nomoro ya mogala, bjalobjalo)
  • atrese ya moago le ya poso ya lefelo leo
  • palo ya bana ba tlogo hlokomelwa moo lefelong leo
  • mangwalo a gago a dithuto, mabokgoni le maitemogelo
  • tlhalošo ya diteng tša mananeothuto le ditirelo tše tlogo abja, go akaretšwa le maikemišetšo le nepo.
• Fana ka tše di latelago:
  • Leanotšhomo la go ba le:
    • Dinako tša mošomo tša lefelo leo
    • Tšhelete ye batswadi ba bana ba tlogo e lefa
    • Leano la tlhokomelo ya bana mosegare
    • Tshedimošo ya bašomedi, le
    • Pholisi ya maitshwaro
  • Molaotheo wo o nago le:
    • Leina la lefelo leo la tlhokomelo ya lebakanyana ya bana
    • Tshedimošo malebana le balaodi, maatla le mešomo ya bona
    • Khopi ya setlogo ya polano ye e dumeletšwego ya moago/meago
    • Leano la tšhoganetšo
    • Setifikeiti sa klearense
    • Setifikeiti sa maphelo go tšwa mmasepaleng wa selegae

Bahlankedi ba Kgoro ya Tšwetšopele ya Setšhaba le ba mmasepala bat lo etelela lefelo la gago kgafetšakgafettša

Lebaka

Go ka tšea dikgwedi tše tharo gore o fiwe Setifikeiti sa Boingwadišo.

E dira tshenyagelo ya bokae

Tirelo ye ga e lefelwe.

Diforomo tšeo di swanetšwego go tlatšwa

Fomo 11 e hwetšagala ofising ya kgauswi le wena ya Kgoro ya Tšwetšopele ya Setšhaba goba ofising ya Mmasepala

Dintlha tša boikopanyo

Lenaneo la diofisi tša Kgoro ya Tšwetšopele ya Setšhaba